Dili, 02 Marsu 2026 (Média Democracia) – Fundasaun Mahein (FM) realiza konferensia imprensa hodi husu selesaun urjente legal ba Komandante Jeral PNTL foun, tanba Fundasaun Mahein Konsidera la iha transparansia ba Instituisaun Polisia Nasional Timor-Leste PNTL.
Tuir Porta-Voz Fundasaun Mahein (FM) Nelson Belo informa, objetivu realiza konferensia imprensa ida ne’e hodi husu selesaun Urjentemente legal ba Komandante Jeral PNTL foun.
“Ohin Fundasaun Mahein ezizi selesaun Profisional bazeia ba Lei selesaun Komando Jeral ka segundo Komandante Jeral PNTL hodi salva guarda integridade setor seguransa no konfiansa Publiku iha tinan barak nia laran, instituisaun PNTL sofre husi politizasaun hodi sobu nia integridade no konfiansa publiku, tanba ne’e Fundasaun Mahein husu Ministeriu Interior ba selesaun Komandante Jeral foun ne’e tenke halao tuir maneira ida ne’ebé Profissional, transparansia no responsabilidade hodi hametin seguransa nasional no restaura konfiansa publiku.” Dehan Diretor Fundasaun Mahein Nelson Belo iha Edifisiu Hudi Laran
Diretor Fundasaun Mahein hatutan, FM husu ba Ministeriu Interior tenke hala’o enkontru konsellu Ministru hodi rona sujestaun husi Polisia Nasional Timor-Leste PNTL iha seguransa operasional. Tuir Lei organiku PNTL no.34/2024 hatete katak, iha mekanismu saida de’it kona-ba asuntu operasional no instituisional PNTL, Ministeriu Interior bele rona Komandante Jeral hodi konsulta Komadante Jeral ofisiais dirijente ho ofisiais superior PNTL liuhusi enkontru konsellu superior Polisia nian, maibé to’o dadaun enkontru konselor superior Polisia nian seidauk akontese, tanba Ministru seidauk utiliza ida ne’e atu rona asuntu sira kona-ba instituisional nian no operasional nian dezenpeñamentu instituisaun no dezenpeñamentu Ofisiais Dirijente ho Ofisiais Superior nian, ho ida ne’e asuntu nomeiasaun Komadante PNTL ho segundo Komadante PNTL tendensia hanesan politizasaun ka subar de’it. Fundasaun Mahein deskonfiansa la iha transparansia no tendensia hodi ignora Lei organiku PNTL ka Lei estatuta PNTL no.34/2024.
Nia subliña tan, Fundasaun Mahein husu ba Ministeriu Interino atu ejonera ka nomeia kargu sefeia Komandante Jeral PNTL hodi tuir estatuta Polisia Nasional Timor-Leste PNTL hodi hari Postu Komisariu Asistente nian. Fundasaun Mahein halo nia analiza ida kona-ba dekretu lei estatuta Polisia estatuta PNTL nia iha artigu 47 ne’ebé dehan katak, Komadante Jeral ninia nomeiasaun no ejonerasaun tuir resolusaun Governu, maibé proposta husi Ministeriu Interior ba mandatu periodu ida ne’ebé ho durasaun ba tinan tolu nia laran.
Reportajen : Tomas
Foto : Tomas