Dili, 15 Janeiru 2026 (Média Democracia) – Organizasaum Non-Govermental (FONGTIL) ho Uniaun Europeia realiza serimonia lansamentu ba selebrasaun kontratu Plan internasional ho Forum Organizasaun Non-Govermental (FONGTIL) ne’ebé ho Uniaun Europeia iha tinan 2025 nune’e tinan 2026 ofisialmentu halo implementasaun projetu ne’e iha Munisípiu 4. Seremonia refere hala’o iha Hotel Timor Tersa semana ne’e.
Diretor Ezekutivu Forum Organizasaum Non-Govermental FONGTIL, Inosensiu de Jesus Xavier hateten, seremonia lansamentu ba selebrasaun kontratu ba Plan Internasionál ho FONGTIL Europeia iha tinan kotuk liubá, no ohin lansa ofisiál atu implementa projetu sira ba Munisípiu ha’at hanesan munisipiu Ainaru, Ermera, Ataúru no Viqueque.
“Programa ba empoderamente ba joven, ativista, organizasaun feto ema ho difisiensia, komunidade LGBTIQ+, oinsá servisu bazea ba informasaun evidensia sira no oinsá atu influensia nune’e bele halo advokasia evidensia ba polítiku ba estadu nian atu haforsa no empoderamente organizasaun sosiál sivil nian ba diversidade atu sai forti ba tekniku sira no servisu seluk, tanba ne’e promove justisa sosial promove diretus humanus ne’ebé inkluzivus no sustentavel iha ita-nia Nasaun Timor-Leste.” Dehan Diretor Ezekutivu Forum Forum Organizasaun Non-Govermental FONGTIL, Inosensiu de Jesus Xavier
Diretor Ezekutivu FONGTIL hatutan, projetu ida ne’e iha durasaun 36 mezes ba tinan tolu nian hahú husi Novembru tinan 2025 to’o 2028, no projetu ida ne’e sei hala’o iha area rural sira nomos indetifikadu ona mapamentu, nune’e presiza haforsa liután, tanba projetu ida ne’e atu refleta ba servisu ne’ebé durante hala’o ona.
“Orsamentu ne’e husi Europa ita sei fahe ba totál milll rua maibé plataforma plan nian hamutuk 700 milloes ne’e fahe ba redasaun tolu programa ida ne’e fiar ba ita-nia ekipa, tanba ekipa ne’ebé servisu no Plan Internasionál ho FONGTIL servisu ba área kapasitasaun empoderamentu no update iha materia ruma tuir sikulu dinamiku. Ami iha plataforma oinsá atu servisu ne’e la’o ba oin ho projetu ida ne’e ajuda ita-nia joven sira no komunidade LGBTIQ+ nomos Governasaun.” Hatutan Diretor Ezekutivu FONGTIL
Diretor Ezekutivu FONGTIL subliña, fundus husi Uniaun Europeia 2 miliaun nune’e mosu husi plataforma Plan Internasional, entaun 700 milhoes maibé sei fahe ba redasaun tolu.
Iha fatin hamesan Xefe Kooperasaun iha Uniaun Europeu, Yotam Leren hateten, projetu husi Uniaun Europeia ne’e importante tebes ne’ebe lansa ona ho sosiedade sivil no Plan Internasional sira atu haforsa diversidade joven sira no bazea ba jeneru iha Timor-Leste, nune’e oferese ona fundus 200 milaun ba organizasaun tolu Care, Plan Internasional no Fontil hodi jere projetu refere.
“Uniaun Europeia hanesan organizasaun ida ne’ebé importante tebes atu suporta projetu sira ne’ebé ami fó ona no agora dadaun ne’e lasa ona atu haforsa asosidade sivil ba Plan Internasionál fó ona fundus 200 millaun iha organizasaun tolu hanesan Care, Plan Internasionál hodi ajere ba projetu.” Subliña Xefe Kooperasaun Uniaun Europeu, Yotam Leren
Xefe Kooperasaun iha Uniaun Europeu hatutan, UE nu’udar organizasaun importante tebes atu apoiu projetu sira fó ba parseru sira hanesan Sosiedade sivil, Plan Internasional hodi haree kona-ba ema ho defisiénsia LGBTIQ nomos Governu Timor-Leste.
Esplika liután apoiu projetu ba Munisípiu 4 hanesan Ainaro, Ataúru, Ermera nomos Viqueque kona-ba programa projetu refere foku mós ba asuntu haforsa sosiedade sivil nomos Violénsia Bazea ba Jéneru ida ne’ebe sai hanesan problema boot ne’ebé infrenta barak iha Timor-Leste.
Reportajen : Nelfiano
Foto : Nelfiano