Dili, 10 Juñu 2025 (Média Democracia) – Governu Timor-Leste liuhusi Ministériu Justisa hamutuk ho Governu Indonézia kontinua halo diskusaun nune’e bele hametin liután servisu Migrasaun nomos kirme trans-nasionál. Atividade enkontru ne’e hala’o iha Ministeriu Justisa, Segunda semana ne’e.
Ministru Justisa, Sérgio de Jesus Fernandes da Costa Hornai hateten, problema migrasaun nian sai polítika no asuntu ida iha Ministeriu Justisa Timor-Leste no Vise Ministru koordenasaun Polítika Externa husi Indonésia ne’ebé tenta identifika ho Polísia Repúblik indonesia (POLRI) inklui instituisaun husi mengkolpoholkan nian hodi halo servisu migrasaun nian di’ak iha futuru.
“Ohin realiza sorumutu ne’e importante tebes, delegasaun boot ida mai husi Indonézia Ministru mengkolpoholkan nian mai koalia oinsá ita atu hametin kooperasaun iha servisus bilateral iha pais rua nian nomos halo kooperasaun ida, ho servisu ne’ebé ita halo krime hanesan krime trans-nasional no servisu Migrasauun.” Dehan Ministru Justisa, Sérgio de Jesus Fernandes da Costa Hornai
Ministru hatutan, problema migrasaun no ajiliu polítiku sai mós asuntu ida ne’ebé iha Ministeriu Justisa Timor-Leste nune’e mós iha mengkolpoholkan Indonesia sira tenta identifika hamutuk ho POLRI hamutuk ho instituisaun relevante ne’ebé iha mengkolpoholkan nian koopera servisu di’ak.
“Ha’u agradese ba delegasaun husi Indonézia ne’ebé mai hasoru Ministeriu Justisa atu aborda tan servisu sira iha polítika ekonomia kultura nomos ba iha Justisa sei haree liubá rejistu no Migrasaun nian, nune’e iha futuru servisu hamutuk sai di’ak liután.” Dehan Ministru Justisa
Nia informa hela de’it fulan hira TL atu tama ba membru ASEAN, nune’e TL sai hanesan adezaun permanente ba iha membru ASEAN, konserteza laos ona Indonesia de’it mak mobilidade sai tama iha TL maibé husi Estadu membru hola parte hanesan membru ba asuntu importante atu diskute iha sorumutu bilateral nomos sorumuru ba ASEAN nian.
“Governu Indonesia no Ministeriu Justisa Timor-Leste hodi tau ideia hamutuk bele halo servisu Migrasaun nian iha fronteira nune’e bele rekoñese dokumentu entre estadu Timor-Leste no Indonesia relasiona iha mobilidade povu Timor-Leste ho povu Indonesia bele sai tama iha areá juridisaun ba Nasaun Timor-Leste no Indonesia.” Nia informa
Ministru Justisa afirma sei buka esforsu hamutuk hodi halo interkambiu nune’e haree pratika iha Nasaun no Nasaun seluk hodi halo melloramentu ba presta servisu ne’ebé ho kualidade sei funsiona no kesi metin iha Nasaun rua ne’e nia laran.
Iha fatin hanesan Deputi Bidang Kordinasi Politik Luar negeri, Mohhamat K. Koba hateten, sorumutu ohin nian ne’e importante tebes tanba bele mai hamutuk Ministru Justisa Timor-Leste, hodi halo diskusaun kle’an kona-ba atu hametin Indonesia nia apoiu ba Timor-Leste ba adezaun atu sai membru ASEAN.
“Durante ne’e ami nia Prezidente Repúblika Indonézia, fó hatene ona katak Indonézia tenke apoiu Timor-Leste bá ASEAN entaun iha diskusaun ne’e ami koalia kle’an liután realasiona asuntu importante balun nune’e Timor-Leste iha fulan hirak tan atu sai adezaun ba membru ASEAN, no koalia mos kona-ba koopersaun servisu migrasaun nian iha fronteira entre nasaun rua ne’e.” Dehan Deputi Bidang Kordinasi Politik Luar negeri, Mohhamat K. Koba
Deputi haktuir iha sorumutu ne’e halo diskusaun kle’an mós kona-ba servisu migrasaun nian iha fronteira tanba nasaun rua tenke kria paz no estabilidade servisu hamutuk hodi fasilita malu liuhusi kapasitasaun di’ak iha futuru.
Esplika liután atividade sorumutu ne’e governu Indonesia ho governu Timor-Leste liuhusi Ministeriu Justisa halo diskusaun kona-ba servisu migrasaun nian iha fronteira nune’e labele mosu dezentendimentu ruma entre rai rua tenke kria paz no estabilidade iha futuru.
Reporatjen : Nelfiano
Foto : Nelfiano