Dili, 30 Dezembru 2025 (Média Democracia) – Governu Timor-Leste liuhusi Ministeriu Ambiente no Turismu daudaun ne’e loke ona dalan Kristu-Rei, nune’e publiku bele asesu ba fatin turistiku iha área Dolok-oan, maibé tenke responsalibilidade ba funsionamentu ne’ebé prepara ona iha fatin turisktiku.
Koordenador Jeral Ambiente no Turismu, Jorge Rui de Carvalho Martins afirma, hakarak Kapital Dili sai hanesan distinasaun turistika nian ba turista sira ne’ebé hakarak mai vizita maibé komunidade balun la mantein atu kria imajen di’ak Kapital Dili sai distinu turistiku, tanba naran soe lixu arbiru iha fatin turismu ne’ebé Governu prepara ona.
“Ha’u nia mensajen ba ita hotu-hotu, governu halo ona kna’ar iha parte balun hanesan kria fatin turismu hanesan iha Cristu Rei Dolok-oan nomos fatin seluk. Entaun ita-nia parte nafatin asegura fasilidade publika sira ne’e, laos Governu mesak nian, maibé ida-ne’e ema publiku nian. Ita hotu responsabiliza simples hanesan parte floretsa dehan saida mak ita lori tama tenke hatene lori sai fila-fali ne’e importante hanesan lixu plastiku ka agua mamuk.” Koordenador Jeral Ambiente no Turismu, Jorge Rui de Carvalho Martins, hatete ba Jornalista sira iha Salaun CNE, Segunda semana ne’e
Koordenador Jeral informa, daudaun ne’e governu seidauk iha habilidade boot ida atu asegura hotu kedas katak, iha ema propriu ka iha fasiliodade propria atu mantein saneamentu iha fatin hotu-hotu, nune’e husu ba entidades hotu atu mantein taun matan ba esfraestrutura publika ne’ebé Governu prepara ona iha fatin turistiku sira no responsabiliza atu haree no mantein pas moos higeniku no saneamentu ba ema hotu-hotu.
“Ha’u haree iha media sosial katak fatin turistiku sira menus no falta saneamentu liu-liu asesu ba toilet publiku. Iha duni toilet publiku maibé seguransa ida tau matan ba toilet publiku ne’e xave tiha no lao lakon, entaun ida ne’e problema ida hodi homsu polisaun aar hanesan iis dois.” Informa Koordenador Jeral Ambiente no Turismu
Koordenador Jeral hatutan, problema hirak ne’e sei koalia ho entidades saneamentu Minisípiu nian atu servisu hamutuk ho Ministeriu Turismu no Estatal hodi haree tok se maka responsabiliza lolos ba funsionamentu publiku sira liu-liu toilet publiku iha fatin turistiku sira iha Capital Dili, nune’e tenke loke ba publiku atu asesu.
Esplika liután, liuhusi Ministeriu Ambiente no Turismu husu hotu-hotu tenke iha responsabilidade ba funsionamentu publiku ne’ebé Governu prepara ona iha fatin turistiku sira, nune’e nafatin fó hanoin malu labele estraga enfraestrutura sira.
Reportajen : Nelfiano
Foto : Nelfiano