Dili, 05 Fevereiru 2025 (Média Democracia) – Governu liuhusi Ministériu Justisa iha IX Governu Konstituisionál nia mandatu sei esforsu atu rezolve espasu sira iha prizaun tolu ne’ebé establese ona iha Becora, Gleno no Suai.
Ministru Justisa Sergio da Costa Hornai hateten, iha IX Governu Konstituisionál ne’e sei esforsu atu halo komprementalidade tantu iha kuadru pesoál no ba iha ekipamentu.
“Aleinde ne’e mós eleva koñesimentu ida adekuada atu bele hatan bá iha dezafiu boot sira ne’ebé iha liuhusi espasu iha prizaun tolu ne’e.” Dehan Ministru Justisa Sergio Hornai ba Jornalista sira hafoin remata fó pose ba prizioneiru sira iha edifísiu MJ Tersa ne’e (04/02)
Governante ne’e rekoñese katak prizaun iha fatin tolu ne’e over ona, liliu atu haree ba sentru juvenil hodi estabele prijioneiru ne’ebé ho idade ki’ik iha ne’ebá.
“Sobre pozisaun iha fatin ne’ebá ita buka oinsá maka atu bele esforsu hanesan ohin ha’u temi, no ita tenke komesa haree dadauk sentru juvinil tenke establese para sira ne’ebé iha idade minoridade tenke bá iha fatin apropriada para sira manán tan formasaun hodi hasa’e sira nia koñesimentu.” Dehan nia
Nia esplika katak, Governu hakarak kuida prijioneiru sira, tanba simu ona responsabilidade, no sira ne’ebé tau dadauk Guarda iha fatin refere atu eduka prijioneiru hirak ne’e.
“Nune’e sira sai husi fatin ne’e ba sira nia família no sosiesdade karik bele hatudu atetudi ne’ebé di’ak, objektivu prinsipal husi sentru juvinil nian mk ida ne’e.” Nia esplika
Nia haktuir formasaun ba prizioneiru sira ne’e para oinsá Prizioneiru sira hatene kona-ba karpinteiru no agrikultura, nune’e bele halo sustentabilidade no sira rasik bele fó han bá sira nia aan, aumezmu tempu bele hetan tan badaen ruma husi Atividade ne’ebé providensia husi servisu prizionais ninian.
Sergio afirma, Govenu sei harii tan fatin re-Instrusaun ne’ebé sei halo iha We-bere, atu lori prizioneiru sira ne’ebé iha ona kondenasaun definitivu, sei iha produtividade bele hasa’e abilidade liuhusi formasaun oi-oin, kona-ba Agrikultura ninian.
“Fatin re-Instrusaun, We-bere tama ona ba planu Ministru tinan 2025, dadaun ne’e halo kordenasaun ho ajensia Dezenvolvimentu Nasionál, ho komisaun Nasionál aprovizionamentu hodi halo urjentemente bá fatin refere.” Afirma Sergio
Entretantu servisu semana kotuk ne’e ita halo ona kordenasaun ho ADN nomos CAN, oinsá maka atu haree buat sira ne’e. Iha kordenasaun ne’e mós tekníka atu halo urjentemente.
Reportajen : Estefania
Foto : Media Officer MJ