Dili 07 Outubru 2024 (Media Democracia)- Autoridade Protesaun Civil (APC) liuhusi ekipa Gabinete Relasaun Externa no Komunikasaun realiza komunikandu imprensa hodi relata dadus semanal kona-ba akontesementu dezastre naturais iha teritoriu ba semana ida nia laran, konferénsia ne’e hala’o iha salaun APC Caicoli Dili
Tuir Diretor Gabinete Relasaun Externa no Komunikasaun (GREK) , Cesario da Silva Marques, informa katak Autoridade Protesaun Civil rejistu kazu dezastre hamutuk atus-rua-sia-nulu-resin-hitu (297) iha semana ne’e nia laran tanba kauza husi mudansa klimatika ho tipu diferente.
“Iha semana ida ne’e Autoridade Protesaun Civil hamutuk ho Ministeriu Interior rejistu kauzu ne’ebé hetan estragu hamutu neen-nulu-resin-ida (61), anin-boot sobu uma lima-nulu-resin ida 51, insendiu urbanu hamutuk 7, rai halai 1, numeiru ne’ebé hetan estragu priense kriteriu no la priense kriteriu total hamutuk atus-rua-sia-nulu-resin-hitu (297), dezastre ne’ebé priense kriteriu hamutuk neen-nulu-resin-ida 61, apoiu emerjensia hetan 2 ba kazu dezastre naturais. Kauzu hirak ne’ebé autoridade rejistu tanba kauza husi mudansa klimatika ne’ebé akontese iha ita nia rai.” Dehan Diretor GREK Cesario da Silva
Nia hatutan Dezastre ne’ebé akontese iha munisípiu sira hanesan munisípiu Bobonaru insendiu urbanu 1, Baucau anin-boot sobu uma hamutuk 48, Likisa anin-boot sobu uma hamutuk 2, Manatuto insendiu urbanu 1 no rai halai 1 anin-boot sobu uma 3, Viqueque anin-boot sobu uma 2, inklui RAEOA insendiu urbanu 3, ida ne’e mak dezastre ne’ebé akontese iha munisípiu.
Esplika liután katak daudaun ne’e komandu Autoridade Protesaun Civil ne’ebé destakadu iha munisípiu no parseiru relevante sira fó ona asistensia emerjensia sasan bazika ba komunidade sira ne’ebé sai vitima ba dezastre naturais iha mós rekuperasaun tuir prejudikasaun klase ida-idak nian hodi ezekuta ba andamentu sira tuir mai.
Reportajen : Nelfiano
Foto : Nelfiano