Dili, 10 Abril 2026 (Media Democracia)– João Monteiro Guterres ho idade haat-nulu-resin-haat (44), husi Munisípiu Viqueque, Postu-Administrativu Watulari, moris iha loron 07 fulan Juñu tinan 1982, dadaun ne’e hela iha Caicoli. Dadaun ne’e buka moris iha dalan ninin liu husi suku Sapatu hahu iha tinan 2008.
João Monteiro haktuir katak, hahu nia estudu iha Ensinu Básiku 4 de Setembru Viqueque iha tinan 1993, remata nia estudu Ensinu Básiku iha tinan 1996, no la kontinua nia estudu ba nivel Pre-Sekundáriu tanba inan aman husik hela sira no maun alin sira, no nia nu’udar maun boot no sai aman ba nia maun-alin na’in lima (5), hanesan resposabiladade bo’ot ida ba familia uma laran.
“Ha’u sente triste bainhira ha’u nia inan-aman husik hela ha’u iha momentu ne’ebé ha’u sei ho idade Sanulu-resin-hitu (17) maske ho idade ne’ebé mak sei kiik tenki foti desizaun hodi halo servisu hodi responde ba nesesidade loron-loron nian. Sekarik ha’u buka servisu iha foho ha’u senti ladun di’ak tanba la sufisiente, ho ida ne’e ha’u deside buka moris iha sidade Dili hahu iha tinan 2008, tanba antes ne’e ha’u aprende suku sapatu liu husi kolega sira, husi esperensia sira ne’ebé mak ha’u iha deside hopdi halo implementa rasik hodi bele buka osan rasik, iha dalan ninin, atu nune’e bele responde netik nesesidade uma laran. Dehan João Monteiro iha Eis-Merkadu Lama
Nia afirma liutan katak buka osan ne’e la fasil, maibé nafatin esforsu hodi bele luta ba moris ida ne’e hodi hetan netik bukae balun hodi bele kompleta ba uma laran liuliu familia nia nesesidade no atividade loron-loron nian mak suku sapatu husi kliente sira.
‘’ Ha’u lakoi tane liman ba ema ida maibé esforsu buka rasik hodi hodi hare ha’u nia maun-alin sira, moris nu’udar oan ki’ak no lakon domin husi inan-aman, senti buat hotu lakon, maibé ho esperitu badinas no esforsu foti responsabildade boot ida ne’e. Kada sepatu ida ho presu $2 depende ba ema de’it maibé kada loron hetan rendimentu la barak ida kadavez hetan $5, tempu di’ak bele hetan to’o $60, husi remdimentu ne’ebé iha hodi sustenta netik ba nesesidade loron-loron nian.’’ Nia haktuir
Nia informa tan katak, suku sepatu iha estrada ninin hanesan negosiu ki’ik ida atu bele kompleta nesidade moris nian tanba ne’e mak haesan oportunidade di’ak ida importante mak fatin iha movimentu ema barak atu bele hetan rendimentu oituan, nomos iha inisitiva atu nafatin halo promosaun iha media sosial hodi nune’e bele atrai konsumidor sira. Alende ida ne’e mos presiza jere ho di’ak
Reportagem : Leozalia Cabral/ Novita Soares Estajiariu
Foto : Leozalia Cabral/ Novita Soares Estajiariu