Dili, 17 Janeiru 2025 (Média Democracia) – Instituto Nasional Combate Ao HIV-SIDA, kontinua fahe formasaun ba estudante Eskola Tekniku Vokasional 28 de Novembru Becora, kona-ba atu kombate virus HIV-SIDA iha Timor-Leste.
Tuir Prezidente Instituto Nasional Combate HIV-SIDA Daniel Marçal hateten formasaun sira hannesan ne’e importante tebes ba estudante tanba iha tempu uluk susar tebes atu asesu informasaun sira kona-ba oinsa atu prevene aan husi moras HIV-SIDA no seluk tan
“Ami iha tempu uluk susar tebes atu asesu formasaun sira hanesan ne’e maibé iha momentu ne’ebá ema susar atu hetan virus HIV-SIDA, tanba iha tempu tuir malu la hanoin kona-ba atu halo relasaun seksual livre. Ami namora malu la presiza atu hasoru malu loron-loron no hanoin atu halo relasaun ne’e defisil tebes maibé atu hasoru malu tenke liuhusi ema seluk hafoin ba hato’o ita-nia komprimentu ba namoradu. Iha tempu uluk la rona ema atu kaben sedu no akontese soe bebe arbiru inkuli la rona moras virus HIV-SIDA.” Prezidente Instituto Nasional Combate HIV-SIDA, Daniel Marçal
Nia Hatutan maibé tempu agora iha joven no estudante barak sempre asesu formasaun oioin maibé virus HIV-SIDA kontinua barak iha rai laran. Tanba agora mundu modernu iha ema barak utiliza telfone androit hodi asesu buat oioin fó impaktu ba sira nia hanoin hodi hamosu halo relasaun seksual livre HIV-SIDA kontunua buras ba nafatin
“Tempu agora virus HIV-SIDA kontinua buras iha rai laran maibé ami INCSIDA.Ip kontinua fahe formasaun ba estudante sira kona-ba oinsá atu prevene-aan husi moras HIIV-SIDA iha rai laran hodi redus relasaun seksual livre.” Dehan nia
Nia salienta tuir lolos tempu ida agora tenke diferente ho tempu uluk tanba iha tempu uluk la asesu formasaun oioin maibé la hetan virus HIV-SIDA, haree ba tempu agora sempre asesu formasaun oioin maibé estudante barak la fahe tempu atu utiliza dia-diak tempu ne’ebé sira hetan iha mundu ida agora maibé uza tempu ne’e sai hanesan la vale ba sira futuru
Entertantu iha tinan kotuk INCSIDA rejistu kazu virus HIV-SIDA hamutuk 2042, ne’ebé akontese iha ita-nia rai laran tanba ida agora ne’e husi ida 15 to’o 30 barak mak afeita moras HIV-SIDA. Sala sira ne’e laos husi inan aman, governu no INCSIDA, sala hirak ne’e husi ida-idak nia aan rasik tanba la hatene atu prevene-aan husi relasaun seksula livre.
Iha fatina hanesan Diretor eskola Tecnico Vocasional 28 de Novembru Becora, Tomas Pinto hateten, eskola nia presiza atu habelar informasaun murak ne’ebé INCSIDA fahe ba estudante sira relasiona ho virus HIV-SIDA oinsá bele kombate no prevene iha rai laran
“Moras HIV-SIDA ida ne’e perigu tebes ba ema nia vida liu-liu ba estudante no joven sira nia saude tanba moras ida ne’e ita la haree ho matan no susar atu kura maibé fiar katak liuhusi ida-idak nia hahalok no atetude atu prega nia aan atu sai ema ne’ebé maduru hodi livre husi moras HIV-SIDA ne’e rasik.” Dehan Diretor eskola Tecnico Vocasional 28 de Novembru Becora, Tomas Pinto
Nia hatutan durante ne’e estudante ne’ebé hala’o estudu iha eskola Tecnico Vocasional 28 de Novembru Becora fiar katak la infrente moras HIV-SIDA
Esplika kle’an liután katak eskola Tecnico Vocasional 28 de Novembru Becora durante infrenta difikuldade hanesan laiha profesor produtivu nian tanba orientasaun lao dadauk ne’e ses ituan husi superior nia orariu tanba simu estudante iha tinan ida ne’e hamutuk 185 ho tempu ne’ebé naruk ohin loron foin finaliza orientasaun tan no formasaun husi INCIDA.
Reportajen : Nelfiano
Foto : Nelfiano