Dili, 26 Marsu 2026 (Média Democracia) – IRAN iha semana hirak ikus ne’e, halo armadilha nomos muda pesoál militar adisionál ho sistema defeza iha area Ilha Kharg, atu prepara ba posibilidade operasaun husi Estadu Unidu Amerika, atu kontrola ilha ne’e. Informasaun hirak ne’e MD asesu husi website (https://edition.cnn.com/2026/03/25/politics/iran-kharg-island-us-military-ground-troops?utm_medium=social&utm_source=whatsappCNN&utm_content=2026-03-25T21:46:23)
Administrasaun Donald Trump konsidera hela opsaun uza tropa EUA atu okupa ilha ki’ik ida ne’e iha parte lorosa’e Persian Gulf, ne’ebé sai lifeline ekonomia ba Iran tanba trata to’o 90% eksportasaun petróleo, atu uza hanesan presáun hodi obriga Iran atu loke fali Strait of Hormuz.
Aliadu balun husi prezidente EUA mós husu tanba saida mak presiza halo operasaun ne’e, tanba maski sira hetan kontrolu ilha ne’e, la resolve diretamente problema iha Strait of Hormuz no influénsia IRAN iha merkadu enerjia global.
Iha sorin seluk James Stavridis, Almirante reformadu no analis militar CNN, hateten: “Hau sei preokupa loos, Iran sira matenek no brutal, sira sei halo buat hotu atu fó vítima barak ba forsa EUA, iha Tasi no iha Terestre.
Ilha Kharg nia medida besik dala-tolu ki’ik liu Manhattan, signifika katak EUA presiza forsa boot atu halo aterragem no okupa ilha ne’e, nia lokaliza iha parte norte Persian Gulf, besik instalasaun petróleo IRAN.
Aliende ne’e, Aliadu iha Persian Gulf mós iha privadu husu EUA atu la prolongo konflitu ho troka tropa iha rai-maran, tanba bele provoka resposta Iran no halo konflitu naruk liu, sira prefere EUA foka atu halakon programa míssil balístiku Iran antes konflitu remata.
Entertanto, James Stavridis mós sujere opsaun seluk, bloqueiu marítimu iha li’ur husi Kharg atu impede eksportasaun petróleo, ne’ebé bele halo presáun ba IRAN tanba presiza fó tropa iha Terrestre.
Informasaun refere asesu husi : Abc News
Foto : (Satellite image shows Iran’s Kharg Island on March 11th, 2026, prior to US strikes on the island. Airbus)