Dili, 14 Marsu 2026 (Media Democracia) – Prezidente Komisaun Supervizasun Rekrutamentu Kandidatu Vaga Foun PNTL 2025, Paulo Assis Belo hateten katak, komisaun hetan dadus husi lista kandidatu admitidu hamutuk ema 400 no deteta iha polísia nia oan hamutuk nain-71. Liuhusi dadus ne’e, komisaun mós identifika jerasaun patriota ka veteranu nia oan hamutuk ema 72, no dadaun komisaun sei halo investigasaun atu konfirma númeru hirak ne’e.
“Ha’u hakarak fó hateten de’it katak polísia nia oan ne’ebé ami hetan dadus husi lista 400 ne’e iha 71 pesoas polísia nia oan, no ita sei investiga lai tebes iha de’it 71 pesoas ne’e ga ka sei iha. Nomós iha jerasaun patriota ka veteranu nia oan iha 72 pesoas, ita sei investiga mós ida ne’e.” Dehan Prezidente Komisaun Supervizasun Paulo Assis Belo ba jornalista sira iha Sentru Formasaun Polísia (CFP, sigla Portugés,) Comoro kinta ne’e, (12/03/026)
Prezidente Komisaun rekoñese iha membru PNTL nia oan kuase nasionál to’o Munisípiu konkore hotu vaga rekrutamentu membru PNTL no okupa lista ne’ebé kiik.
“Kuase iha Munisípiu ida-idak sira nia oan ne’e iha duni, no okupa lisra um to’o des no balun lae, ha’u labele fó uluk lai resposta ida ne’ebé loos tanba sei iha verifikasaun nia laran.” Hatutan Prezidente Komisaun Supervizasun Paulo Assis Belo
Prezidente Komisaun informa, loos duni katak uluk ne’e iha duni kouta 20 pursentu ba polísia nia oan no 20 pursentu ba jerasaun patriota, maibé PDHJ levanta problema ida-ne’e ba Tribunál Rekursu no TR konsidera katak ida ne’e Inkonstituisionál.
“Kouta ne’e ami la aplika ida ba polísia nia oan no veteranu nia oan. La aplika ne’e signifika katak hotu-hotu iha oportunidade bele tuir hotu rekrutamentu PNTL refere.” Informa rezidente Komisaun Supervizasun
Komisaun Supervizasun ne’e envolve iha ne’e husi jerasaun patriota, Deputadu na’in rua mós iha laran iha Rezidensia Repúblika mós iha laran ajudante kampu rasik mak iha laran momentu ne’ebá nia mak mai rasik, iha Prevedór Direitus umanus mós iha laran, nune’e mós iha funsaun públika mós iha laran hotu, Adidu Seguransa Embaixada Portugal nia Guarda Nasionál Repúblikanu ( GNR) mak mai, Xefe Austrália Federal Polísia (AFP.
Antigu Vise-Ministru Edukasaun ne’e hateten, karik rezultadu ne’e iha duni familiarismu ka iha iregularidade iha laran sei rekomenda reteste.
“Ita haree lai ninian iregularidade ne’e boot liu ka uituan liu, ita haree ita-nia rezultadu mak ita fó, depois komisaun ne’e sei la halo rekomendasaun, Komisaun ne’e sei halo de’it relatóriu ba Governu depois Konsellu Ministru mak sei toma desizaun atu anula totál ka atu anula parsiál, ne’e horsida Governu mak toma konta, tanba komisaun mandatu ne’ebé Governu fó mai halo de’it revizaun ba prosesu hotu, no haree faillansu ne’ebé mosu.” Afirma rezidente Komisaun Supervizasun Paulo Assis Belo
Iha biban ne’e Prezidente Komisaun Supervizasun ne’e mós relata, durante ne’e komisaun supervizasun simu reklamasaun sira hamutuk 200. Reklamasaun sira ne’e por vota de famíliarismu depotismu, ne’e de’it mak barak.
Reportajen : Estefania
Foto : Estefania