Dili, 26 Novembru 2025 (Média Democracia) – Kompaña Empreza Irmão Sandobe Unipesoal.Lda, Entrga Uma Terminal Pasajeirus iha Portu Dili ba Governu Timor-Leste.
Tuir Vise-Primeiru Ministériu no Ministru Koordenadór Asuntu Ekonomiku Interinu, atual Ministru Transporte Komunikasaun, Miguel Marques Gonçalves Manetelu hateten, ohin Partisipa iha fatin ne’e atu fó sasin entrega Terminal Pasajeirus iha Portu Dili ne’ebé halo ona Rehabilitasaun Kompletu.
“Okaziaun ida ne’e mak pasu konkretu ida husi Governu nia komitmentu hodi hadia di’ak liután setor Transporte Marítima, atu bele fasilita ita hodi halo atendimentu di’ak ba ita-nia sidadaun sira. Ho rehabilitasaun terminal ida ne’e sei entrega ba Autoridade Administrasaun Portu Timor-Leste nia ka APORTIL, nune’e sei garantia tebes hodi fó espasu ida ne’ebé sufisiente seguru no adekuadu ba ita-nia sidadaun sira sei ne’ebé halo viajem ba Oecusse no Atauru nomos viajem pasajeirus husi turista sira ne’ebé mai ho ro’o urjente, ne’ebé embarka portu Tibar nian.” Dehan Ministru Transporte Komunikasaun, Miguel Marques Gonçalves Manetelu
Ministru Transporte Komunikasaun ne’e hatutan tan katak, rehabilitasaun ne’e mós oferese espasau servisu ne’ebé di’ak ba ekipa APORTIL nian hodi servisu no fó atendimentu ba sidadaun sira.
“Inisitiva ida ne’e hola parte ba Governu da-Sia Kontituisional nia mehi atu modarliza infraestrutura iha lideransa Primeiru Ministro Kay Rala Xanana Gusmão, Governu kompromete mellora ita-nia konektividade promove liután atividades ekonómikas oin-oin atu asegura katak rejiaun hanesann Ataúro no Oecusse konetadu ho atendimento ida di’ak liu.” Hatutan Ministru Transporte Komunikasaun
Ministru subliña liután, iha okaziaun ida ne’e hodi agradese ba parte hotu-hotu ne’ebé fó ona sira nia apoiu hodi finaliza rehabilitasaun ida ne’e ba kontrador ekipa tekniku sira nomos ba parte APORTIL rásik no ba parte hotu-hotu ne’ebé fó sira nia apoiu durante prosesu rehabilitasaun.
Iha fatin hanesan reprezentante empreza Irmão Sandobe Unipesoal.Lda, Augosto da Costa Soares rekoñese, reabilitasaun terminal portu Dili tarde, tanba anin boot no materiál barak mai husi rai liur.
“Rehabilitasaun ne’e tarde oituan, tanba materiál lubuk ida ami foti husi rai liur, no segundu tanba fatin ne’e anin boot, entaun ami hasoru problema boot iha uma nia kakuluk, tanba ne’e ami lakoi foti risku ami nia trabalador sira.” Dehan Reprezentante empreza Irmão Sandobe Unipesoal.Lda, Augosto da Costa iha Portu Dili
Obra ida ne’e, ita hotu hatene ho nia montante rihun $500. hanesan kompaña ka empreza servisu tenke buka lukru ruma, maibé ba kompaña nia kualidade numeru primeiru signifika kata rehabilitasaun ne’e halo ho kualidade aas no di’ak tebes.
Reportajen : Tomas
Foto : Tomas