Dili, 07 Maiu 2025 (Média Democracia) – Governu liuhusi Sekretariu Estadu Asuntu Toponomia Organizasaun no Urbana (SEATOU) automatikamente daudaun ne’e desloka ona komunidade afetadu inundasaun husi Aldeia Moris-foun durante ne’e hela prozoriu iha karentina Tasi-tolu ba ida-idak nia hela fatin. Atividade desloka komunidade Aldeia Moris-foun ne’e hala’o iha horseik Segunda semana ne’e.
Sekretariu Estadu Asuntu Toponomia Organizasaun no Urbana Germano Santa Brites Dias hateten, objetivu muda komunidade afetadu inundasaun ba ida-idak nia hela fatin tanba iha loron sexta-feira semana kotuk ekipa konjunta no MOP mai koalia hamutuk ona ho komunidade afetadu sira iha karentina Tasi-tolu.
“Relasiona ho sasan no uma durante ne’e mota estragus no estadu sobu ne’e sei la lakon no responsabilidade governu nian tanba MOP nia ekipa konjunta halo servisu hodi ba aprezenta iha aprozionamentu ba iha finansas foin bele transfere osan ba ida-idak nia konta bankaria.” Dehan Sekretariu Estadu Toponomia Asuntu Organizasaun no Urbana, Germano Santa Brites Dias
Sekretariu Estadu hatutan SEATOU nia servisu atu lori komunidade sira mai iha karentina Tasi-tolu hodi hela provizoriu, maibé tempu to’o sei lori mós sira ba iha ida-idak nia hela fatin tanba SEATOU laiha osan bolsu bainhira diskute malu ho komunidade hasai kedas osan atu entrega ne’e Lalos.
“Ami ekipa konjunta ida-idak halo hela nia servisu, ita hotu-hotu tenke koopera malu ho di’ak ne’ebé ekipa konjunta lao hela, maibé tanba de’it membru do governu SEATOU, MOP no MSSI ami de’it mak iha oin entaun maluk sira hanoin ekipa seluk la halo servisu maibé ekipa seluk mai reforsa hela SEATOU ho nia ekipa konjunta ho jestaun merkadu Dili ami halo liña koordenasaun di’ak tebes.” Dehan Sekretariu Estadu
Nia afirma ba maluk sira ne’ebé kritika hakarak intervensaun ba servisu membru governu nian husu favor lalika mai koko atu halo intervensaun servisu ne’ebé durante halo iha terenu karik iha maluk balun sente la konfortavel ho servisu ida ne’e iha dalan bele ba keisa iha Parlamentu Nasional hodi rezolve ba kestaun hirak ne’e.
“Ekipa konjunta mai halo levantamentu ba komunidade hotu hatan ona hakarak ida-idak fila ba Munisípiu nomos iha Dili laran hanesan iha Tasi-tolu maslidu, Comoro, bairo pite, Becora. Komunidade ne’ebé hela kost ka uma rasik iha Dili laran governu prepara karete ki’ik sira bele lori ba agora, maibé hirak ne’ebé hakarak ba Munisípiu governu prepara kareta boot nune’e bele tula hodi ba ida-idak nia hela fatin.” Nia haktuir
Nia informa komunidade ne’ebé hela iha karentina tenke sai komesa ohin ba to’o aban nune’e bele hamamuk tanba fatin ne’e governu nian iha Dili ida de’it atu atende ba ema hotu-hotu bainhira infrenta husi inundasaun no alargamentu estrada fatin laiha provijoriumentu sei uza fatin ida ne’e bainhira tempu to’o governu sei lori sira ba ida-idak nia fatin.
Komunidade Afeitadu Karentina, Jaimito dos Santo hateten, hanesan komunidade vitima ba inundasaun sei kontinua hela to’o asina ona termu aseitasaun indimizasaun mak foin bele hamamuk fatin hodi ba hela iha uma kost no balu ba ida-idak nia Munisípiu.
“Ami prontu koopera ho governu ne’e mak avizu ami sai no hamamuk ona fatin iha aldeia moris foun nian ne’e, ami prontu koopera ho governu sai husi fatin ne’e atu halo dezenvolvimentu ba ita-nia nasaun maibé ami nafatin hein ami nia diretu indiminizasaun husi governu.” Dehan Komunidade Jaimito dos Santos
Nia haktuir tanba bazeia ba dialogu antes simu tiha indimizasaun mak sai, ne’ebé komunidade hein hela komunidade la sai husi fatin ida ne’e tanba seidauk hetan indiminizasaun husi governu maibé asina termu aseitasaun komunidade hotu prontu hamamuk fatin, nune’e governu tenke prepara transporte hodi tula ema ida-idak ba nia hela fatin.
Reportajen : Nelfiano
Foto : Nelfiano
Editor : Jp.Costa