Dili, 09 Setembru 2025 (Média Democracia) – Autoridade Protesaun Sivil liuhusi Gabinete Relasaun Externa no Komunikasaun GREK afirma iha loron 01-08 fulan Setembru tinan ne’e durante semana ida, APC rejistu familia uma-ka’in hamutuk 33 hetan estragus husi dezastre naturais ne’ebé akontese iha Munisípiu 8. Konferensia ne’e hala’o iha Saluan APC Caicoli, Segunda semana ne’e.
Xefe Relasaun Externa no Komunikasaun APC, Nelson de Jesus Orleans hateten, durante akontesimentu dezastre iha Munisípiu 8, APC registu uma latama kriteria apoiu de’it emerjensia uma hamutuk 5 no numeru uma ne’ebé priense kriteria ka afetadu hamutuk 28, nune’e APC Munisípiu apoiu kedas emerjensia ba vitima sira ne’ebé hetan dezastre.
“Durante semana ida nia laran iha Munisípiu 8 Autoridade Protesaun Sivil, Sekretariu Estadu Protesaun Sivil rekolla xefe familia uma-kain hamutuk 28 hetan estragus husi dezastre naturais, apoiu de’it emerjensia 5 ne’ebé akontese ba ema afetadu 161 no evakua 18.” Dehan Xefe Relasaun Externa no Komunikasaun, Nelson de Jesus Orleans
Xefe Relasaun Externa no Komunikasaun APC hatutan, iha Munisípiu 8 mak APC rekolla uma 33 hetan estragus husi, anin-sobu uma 28 no ahi-han uma 5 hahu dezastre ne’ebé akontese durante semana ida hahu loron 01-08.
“Munisipiu 8 ne’ebe hetan estragus hanesan Munisipiu Baucau, Fatin Vemase, Suku osuala, Aldeia umana iku, ahi-han komunidade nia uma 1 kategoria aat. Postu Venilale, Suku Uai Oli, Aldeia Uatu Missa, anin-sobu komunidade nia uma 1. Postu Laga, Suku tekinomata, Aldeia Caicasalari, anin-sobu komunidade nia uma 1. Suku Sagadate, Aldeia Lasula, anin-sobu komunidade nia uma 1 kategoria aat. Suku Afaça, anin-sobu komunidade nia uma 1, Postu Quilicai kategoria aat. Bobonaro, Post Bobonaro, Suku Tebabui, Aldeia Atupae Anin sobu komunidade nia uma 1. Postu Mali, Suku Tapo Memo, anin-sobu komunidade nia uma 1, Suku Tapo Memo, Aldeia Manu aman, Anin-sobu komunidade nia uma 1.” Dehan Gabinete Relasaun Externa no Komunikasaun GREK
Nia afirma, iha Munispiu Dili, Postu Kristu Liurai, Suku Becora, Aldeia Mota-ulun, akontese Anin-sobu komunidade nia uma 1. Suku Ailok, anin-sobu komunidade nia uma 1. Suku Becora, Anin-sobu komunidade nia uma 1. Postu Dom Aleixo, Suku Comoro, anin-sobu komunidade nia uma 1, Postu husi Metinaru, Suku Mantelolao, anin-sobu komunidade nia uma 1 kategoria aat naton, Fatin Vera-kruz, Suku Lahane-Ocidental, anin-sobu komunidade nia uma 1.
“Iha Munisípiu Ermera, Postu Hatulia A, Suku Asulau sare, ahi-han komunidade nia uma 1, kategoria aat total. Postu Hatulia B, Suku Fatubesi, ahi-han komunidade nia uma 1, Nivel estragus aat total. Postu Rai-laku, Suku Fatukero, anin-sobu komunidade nia uma 1. Postu Ermera, Suku Poetete, Aldeia Taklelan, anin-sobu komunidade nia uma 1. Suku Riaheu, anin-sobu komunidade nia uma 1. Suku talimoro, Aldeia buro, anin-sobu komunidade nia uma 1, Suku Poetete, anin-sobu komunidade nia uma 1. Munisípiu Liquiça, Fatin Liquiça Villa, Suku Dato, anin-sobu komunidade nia uma 1. Suku Dato, anin-sobu komunidade nia uma 1. Suku Leotala, anin-sobu komunidade nia uma 1. Suku Asumanu, anin-sobu komunidade nía uma 1. Suku Dato, anin-sobu komunidade nia uma 1, Fatin Loes, Suku Lisadila, anin-sobu komunidade nia uma 1.” Afirma Xefe Relasaun Externa no Komunikasaun, Nelson de Jesus Orleans
Nia subliña iha Munisípiu Manufahi, Suku Betanu, ahi-han komunidade nia uma 2, Nivel estragus 1 aat naton no 1 aat total. RAEOA, Sub Rejiaun pante Makassar, Suku Taiboco, anin-sobu komunidade nia uma 1, Suku Bobocase, anin-sobu komunidade nia uma 1. Viqueque, Postu ba Uatulari, Suku Afaloicai, ahi-han komunidade nia uma 1, Nivel estragus aat total. Post Viqueque, Suku Bahalara-uain, anin-sobu komunidade nia uma 1, Post Bone, Suku Nahareka, anin-sobu komunidade nia uma 1.
Esplika liután vitima ba dezastre naturais sira oras ne’e hetan ona apoiu emerjensia husi komandu APC ho parseriu relevante sira iha Munisipiu ida-dak apoiu aihan no la’os aihan, no Komandu Operasional Protesaun Sivil iha Munisipiu sira, sei kontinua halo levantamentu dadus ba uma-ka’in ne’ebé hetan estragus makas no ne’ebé hetan estragus naton.
Reportajen : Nelfiano
Foto : Nelfiano