Dili, 02 Abril 2026 (Média Democracia) – Delegasaun husi Estadu Unidus Amerika ho Maijór Jenerál Andrew J Chevalier hala’o sorumutu ho Xefe Estadu Maior Jeneral Forsa Armada, Tenente Jeneral, Domingo Raul “Falur Rate Laek” aprezenta asuntu kona-ba apoiu ba exersisu liu-liu ba dezastre Naturais no bilateral iha ambitu Forsa Armadas nian. Sorumutu refere hala’o iha kuarta feira semana ne’e.
Xefe Estadu Maior Jeneral Forsa Armada, Tenente Jeneral, Domingo Raul “Falur Rate Laek” hateten, ohin diskusaun ituan ho Majór Jenerál Andrew J Chevalier husi Guarda Nasional Rhode Island Estadus Unidus Amérika kona-ba programa ne’ebé iha tinan 2023 asina ona ho asesór Jenerál USA.
Xefe Estadu hatutan, iha diskusaun ne’e ko’alia mós kona-ba kursus formasaun no kapasitasaun ba lian ingles iha sira nia rai. ko’alia mós kona-ba exercicio konsuntu, komunikadu multilateral, bilateral ne’ebé hala’o iha ne’e.
“Sira mós apoiu investimentu parte logistika nian kona-ba duasaun ne’ebé sira fó, kona-ba istalasaun apoiu ita-nia forsa AERO iha ita-nia komponente direze iha Baucau no meus sesta ne’ebé sira fó nia manutensaun.” Dehan Xefe Estadu Maior Jeneral Forsa Armada, Tenente Jeneral, Domingo Raul “Falur Rate Laek” ba jornalista sira hafoin hasoru malu ho Maijor Jenerál USA iha Kuartel Jeneral Fatuhada, Tersa ne’e (31/03/2026).
“Ohin ko’alia mós rezultadu diskusaun ho ita-nia Ministru kona-ba dokumentu refrensia ne’ebé ita nia Governu fó sai para uniformiza ho regula, purtantu kooperasaun bilateral hotu-hotu ho paises ne’ebé sira halo. Sira mantein servisu hanesan fó kapasitasaun ba ita-nia Naval, Terestre no ba ita nia rekursu umanus, aumesmu tempu sira muda investe sira.” Afirma Xefe Estadu Maior Jeneral Forsa Armada, Tenente Jeneral, Domingo Raul “Falur Rate Laek”
Xefe Estadu Maior Jeneral Forsa Armada, sira apoiu ba exercico ne’ebé sira mai atu halo liu-liu ba dezastre Naturais no apoiu umanitariu iha ambitu Smik. Smik ne’ebé mundu tomak fó prioridade.
“Sira nia apoiu ne’e ita perioridade rekursu umanus tanba dezenvolvimentu teknolojiku no mudansa siensia militares sira kuaze mudansa iha tempu 24 oras, entaun ita prepara ita-nia rekursu umanus.” Xefe Estadu Maior Jeneral Forsa Armada
Iha fatin hanesan, Majór Jenerál Andrew J Chevalier husi Guarda Nasional Rhode Island Estadus Unidus Amérika hateten, Durante ninia vizita, Major Jenerál Chevalier hasoru malu ho Xefe Estadu Maior Jenerál F-FDTL, hodi koalia kona-ba hametin kooperasaun seguransa bilateral, hasa’e kapasidade resposta ba dezastre no asisténsia umanitária, no habelar oportunidade dezenvolvimentu edukasionál no profisionál.
“Konversa hirak-ne’e haree liubá hadi’a koordenasaun no resposta entre ajénsia seguransa no emerjénsia Timor-Leste nian, avansa programa formasaun no interkambiu hamutuk, no promove estabilidade no reziliensia rejionál iha Indo-Pasifiku.” Sehan Majór Jenerál Andrew J Chevalier
Majór Jeneral Chevalier mós hamutuk ho ofisiál governu sira iha serimónia lansamentu ba instalasaun Timor-Leste nia Rede Komunikasaun Rádiu Emerjensia Nasional dahuluk, marka istóriku ida neʼebé sei hametin komunikasaun no koordenasaun entre Polisia Nasionál Timor-Leste, Ajensia Protesaun Sivil, F-FDTL, no servisu ambulánsia nian.
Vizita Majór Jenerál Chevalier nian ne’e reforsa parseria kleur ona entre Estadus Unidus Amérika no Timor-Leste, hodi hatudu kompromisu hamutuk ba seguransa, reziliensia, no prosperidade iha rejiaun Indo-Pasífiku.
Reportajen : Estefania
Foto : Estefania