Dili 29 Outubru 2025 (Média Democracia) – Iha entrevista ho Ministériu Agrikultura Peskas Pekuaria no Florestas MAPPF Marcos da Cruz hatete, tuir dadus natar ne’ebé abandona iha Munisípiu sira área potensial ba agrikultura 80 oitenta mil no dadus ikus ba natar ne’ebé funsiona de’it besik 40 quarenta mil hektar.
Dadus ba natar abandona iha Munisípiu sira ita haree ba área potensial agrikultura iha 80 mil dadus ikus ne’ebé ita iha mak la funsiona besik 40 mil liuhusi konstrusaun irrigasaun balun iha Munisípiu balun iha parte leste nian komesa husi Bebui iha Watulari, Darlau iha Watulari, Larisula iha Baguia, Buluto iha Laleia Vemase, iha parte sul iha Rai-Bere Webaba, iha Parte Oeste nian Maliana nomos iha Oecusse ida ne’e funsiona hela
“Area ne’ebé kultiva ona liuhusi Irigasaun boot sira ne’e no seluk mak mobiliza eskavador iha 12 brodozer rua iha tronton rua ka haat makina sira mak mobiliza destaka iha Munisípiu sira bain-bain presiza apoiu hanesan iha Covalima, Baucau, Maliana, Viqueque”. Dehan Ministru Agrikultura Peskas Pekuaria no Florestas MAPPF Marcos da Cruz
Nia hatutan alende funsiona parte ne’e no mobilizasaun boot sira, MAPPF mós mobiliza makina pezadu sira ne’ebé kanal irigasaun sira hodi fasilita bee moos bele tama iha ema nia natar.
“Ita sei prezisa loke tan area ne’ebé sei abandona seidauk kultiva ne’e, tanba dadaun buka atu aumenta konstrusaun irigasaun, inagura ba irigasaun ne’e komesa kedas iha tinan 2022 kontratu asina iha governu uluk mai kontinua fulan oin sei halo inagurasaun ba projeitu rua, maibé projetu 8 foin halo lansamentu no rua sei iha tender irigasaun Laclo ho Karau-Ulun no seluk asina kontratu ona no lansa kompania komesa halo servisu.” Dehan Ministru Agrikultura Peskas Pekuaria no Florestas MAPPF
Esplika liután governu iha maneira servisu ne’ebé la hanesan atu nune’e bele aumenta kultiva no bele fasilita bee ba natar ba iha área agrikultura sira no apoiu mós makina modernu sira atu nune’e bele ajuda halo kmaan agrikultor sira. Husu agrikultor sira apoia tekniku no formasaun ba agrikultor sira, bele hasae produsaun. Tanba iha Fulan Dezembru komesa servisu iha terenu ba projetu ualu ne’e nomos hein tan rua ne’ebé sei tender.
Reportajen : Domingas
Foto : Domingas