Dili 4 agostu 2025 (Média Democracia) – Apoiu sólidu husi Prezidénsia da Repúblika no Governu sira, hodi Komisaun Organizadora ba Maratona Internasional Dili, lideradu husi Nelio Isaac Sarmento, Ministru Juventude Desportu Arte no Kultura, halo lansamentu ofisiál ba Maratona Internasionál Dili 2025.
Ministru Juventude Desportu Arte no Kultura (MJDAK), Nelio Isaac Sarmento, dehan Pr José Ramos-Horta, maka sai hanesan Patronu ba eventu ne’e, subliña nia kompromisu ho unidade nasionál, saúde públika no solidariedade internasionál.
“Organizadór sira hotu haksolok atu fó sai rejistu ba Maratona Internasionál Dili 2025 sei loke ofisialmente iha Fulan-Agostu tinan 2025. Eventu ne’ebé ema hotu hein, marka ona ba loron-sábadu, loron 11 Fulan-Outubru tinan 2025 ho liña inísiu no finál ne’ebé marka ona iha fatin ikónika Palásiu Prezidensiál Nicolau Lobato.” Dehan Ministru Juventude Desportu Arte no Kultura (MJDAK), Nelio Isaac Sarmento
Ministru hatutan maratona Internasionál Dili kontinua sai simbolu unidade nasionál nian, hodi promove saúde, fitness no espíritu vibrante Timor-Leste nian iha palku globál. Eventu tinan ida-ne’e nian lori tema signifikativu, “Run for Palestine” ida ne’ebé partisipante sira sei espresa solidariedade no hasa’e konxiénsia ba pás no justisa.
“Ami sente kontente tebes atu loke rejistu iha fulan oin ba saida maka promete ona atu sai ita-nia Maratona Internasionál Dili ne’ebé sei la fó impaktu maka’as liu ba saude iha futuru mai.” Dehan Ministru Juventude Desportu Arte no Kultura
Ministru afirma tinan ida-ne’e sente orgullu atu introdús kategoria prémiu tolu kategoria ASEAN, Timor-Leste no Para-atleta ba feto no mane sira. Ho kategoria únika tolu ne’e subliña kompromisu atu rekoñese exelênsia atlétika hosi Timor-Leste no rejiaun ASEAN ne’ebé luan liu.
“Ami mós enkoraja aspirante korredór sira hotu, husi maratonista sira ne’ebé iha esperiénsia to’o korredór sira ba dahuluk, to’o prepara sira nia kandidatu sira hamutuk ho ami ba eventu estraordináriu ida-ne’e.” Dehan nia
Nia informa Maratona Internasionál Dili 2025 sei iha korrida oioin ne’ebé komprensivu hodi akomoda nivel partisipasaun hotu-hotu Maratona Kompletu (Full Marathon) Kursu ida ne’ebé dezafiante ho distánsia 42.195 km ba korredór elite no esperiente sira. Meia-Maratona (Half Marathon) Korrida ida ne’ebé popular ho distánsia 21.0975 km ne’ebé oferese teste substansiál ida ba rezisténsia.
“Eventu Para-Atleta (Para-Athletes Event) Kategoria dedikadu ida ne’ebé asegura inkluzividade no selebra realizasaun sira hosi atleta sira ho defisiénsia. Fun Run: Korrida ida ne’ebé badak liu, la’ós kompetisaun maibé perfeitu ba família sira, belun sira, no membru komunidade sira atu goza (enjoy) atmosfera festiva.” Nia haktuir
Nia informa partisipante sira sei iha oportunidade únika atu halai liuhusi rota seníku sira Dili nian, hodi koko no haree kultura ne’ebé riku no tasi-ibun ne’ebé furak, enkuantu kontribui ba kauza ida ne’ebé defende valór umanitáriu sira. Detallu sira seluk kona-ba data rejistu loloos, detallu prémiu sira, rota sira korrida nian no lojístika loron eventu nian sei disponibiliza iha website ofisiál Maratona Dili nian no liuhosi ami nia kanál sira iha mídia sosiál.
Esplika liután kona-ba Maratona Internasionál Dili Maratona Internasionál Dili nu’udar eventu desportivu anuál ne’ebé hala’o iha Dili, Timor-Leste ho objetivu atu promove saúde, envolvimentu komunidade no turizmu internasionál. Ida-ne’e oferese kategoria korrida oioin hodi akomoda partisipante oioin no serve hanesan plataforma ida ba solidariedade nasionál no internasionál.
Reportajen : Domingas
Foto : Foto Media Officer MJDAK