Dili, 02 Juñu 2025 (Média Democracia) – Ministru Koordenador Asuntu Ekonomiku servisu hamutuk ho Organizasaun Mudial Komersiu (OMK) no kooperasaun ho Internasional Trade Center (ITC) realiza workshop durante loron haat ho objetivu aprofunda kompresaun kona-ba GPA 2012 depois Timor-Leste nia adezaun ba iha OMK ne’ebé ofisialmente iha loron 30 agostu 2024.
Kordenador MCAE Jorge Rui de Carvalho Martins hateten, Timor-Leste adezaun ba plena OMK no kontinua submete ba komite GPA liuhusi komprimisiu formal hodi hatama aplikasaun ba membru GPA nian husi ne’ebá iha konkordansia plurilateral ida ho membru plena seluk ne’ebé tama iha konkordansia, nomos ho plena ida GPA liga liubá sistema provizonamentu mundiál nian.
“Ita iha direitu inklusivus GPA nu’udar nasaun membru ne’ebé konsidera hanesan list develope country, entaun ita iha asuntu ida mak oinsa ita bele kria aliñamentu sira ne’ebé bazeia ba ita-nia nesesidade uma laran.” Dehan Kordenador MCAE Jorge Rui de Carvalho Martins
Nia hatutan orsida Autoridade Nasional ba Aprovizionamentu mak sei lidera sesaun hirak tuir mai durante loron haat, MCAE hanesan fasilita de’it atu nunee bele sai parte ida ba iha government procurement Agreement nian tanba ne’e importante tebes.
“Ita hatene katak iha konvensaun barak obriga ita Timor atu sai parte husi sira-nia prosuduramentu ba asesu sira nia fundus, iha fundus sira ne’e iha ligasaun ho aprovizionamentu ba sasan nomos ba iha servisu sira, tan ne’e ita nia governu liuhusi Ministerio Finansas iha nia website rasik nomos iha governu lubuk mak agora daudaun iha ona sira nia website atu bele fasilita hela povu Timor.” Hatutan Kordenador MCAE
Nia informa liuhusi Governu Dasia ne’e liña Ministeriais sira servisu hamutuk no tenta meius hotu hodi bele hadia nafatin sistema sira, no iha tinan kotuk Timor-Leste sai ona membru OMK nian nomos agora iha hela pasu atu sai mós hanesan membru akordu Governo aprovizionamenru GPA nian.
“Objetivu prinsipal ba iha atividade ida ohin ne’e maka atu fó koñese ba ita-nia sistema prokurasaun iha Timor ba mundu nomos atu eleva kapasidade ita-nia liña Ministeriais sira haree ba iha asuntu sira ne’ebé ohin sira atu diskute, nune’e bele hadi’ak liután iha aprovizionamentu hodi hametin no haforsa liután sistema sira ne’ebé ita iha.” Informa Kordenador MCAE
Nia hatutan, pos-adezaun ne’e antes Timor-Leste sai membru ba iha OMK, Timor iha ona enkuadramentu legal hamutuk ruanulu resin-ida inklui husi finansias nian agora daudaun iha hela parlamentu nasional atu ratifika. Espera tinan ida ne’e parlamentu bele ratifika hodi hetan aprovasaun ba lei refere, nune’e bele sai instrumentu legal ida ba Timor hodi bele kompete mós iha merkadu.
“Preparasaun sira ne’e lao hotu ona desde inisiu kedas, agora ne’e ita prepara de’it maka Ministeriu ho Ofisiais sira atu bele servisu makas atu nune’e ita bele kumpri sistema hirak ne’ebé iha ona. MCAE tenta nafatin atu bele kumpri fulan ida ne’e nian.” Hatutan Kordenador MCAE Jorge Rui de Carvalho Martins
MCAE durante ne’e servisu makas hela haree ba iha politika sira hotu ligadu ho oinsa atu halo kresimentu brutu ba iha ema sira, liuliu kriasaun kampu traballu nomos kriasaun oportunidade ba ema atu hetan rendimentu oituan atu bele sustenta nia moris loron-loron nian.
Atu esplika kle’an liután katak workshop nasional kona-ba akordu aprovizionamentu governu ne’e servisu hamutuk entre Gabinete Ministru Koordenador Asuntu Ekonomiku (MCAE), Organizasaun Mudial Komersiu (OMK) nomos kooperasaun ho Internasional Trade Center (ITC), Uniaun Europeia (UE), Enhanced Ntegrated Framework (EIF), no partisipante sira ne’ebé partisipa iha Workshop Nasionál Durante Loron Haat ne’e husi liña Ministeriais Governu-Dasia nian nomos universidade.
Reportajen : Domingas
Foto : Domingas