Dili, 23 Janeiru 2025 (Média Democracia) – Mercy Corps Timor-Leste entrega material apoiu Emergensia, NFI (Nonfood Item) ba Autoridade Protesaun Civíl (APC), Seremonia entrega material ne’e realiza iha Salaun APC Kaikoli Dili.
Tuir Sekretariu Estadu Protesaun Sivil (APC) Domingos Mariano Reis Haktuir katak, Parseiru husi Mercy Corps Timor-Leste, ohin entrega ona apoiu pakote Emergensia nian, hamutuk 195 ba Autoridade Protesaun Sivil (APC).
“Apresia tebes ba Mercy Corps nia apoiu ba Autoridade Protesaun Sivil (APC), bainhra desastre akontese iha terrenu atu nune’e APC bele fó apoiu ba vitima sira ne’ebé hetan dezastre. Nune’e apoiu ne’e importante los, husu ba Diresaun resposta no Emergensia atu halo Jestaun ne’ebé di’ak atu responde ba Emerjensia ne’ebé iha.” Dehan Sekretariu Estadu Protesaun Sivil APC Domingos Mariano Reis iha Salaun APC Kaikoli.
Nia afirma liután katak, Pakote Emergensia ne’ebé iha tenki kuidadu hodi halo Jestaun ho di’ak atu bele asegura hodi resposta ba emerjensia, bainhira sasan hirak ne’ebé iha la kuidadu no la ulitiza halo didiak, bainhira akontense oinsa atu bele resposta ba emerjensia. Agradese nafatin ba Mercy Corps nia apoiu ne’e laos foin agora maibé tinan sanulu resin ona sempre fó apoiu ba Autoridade Protesaun Sivil (APC).
Iha parte seluk tuir Country Director Mercy Corps Sean Kenney hateten, intruduz mós Mercy Corps ninia serbisu suporta iha rejiaun liu-liu ba asuntu redusaun risku dezastre hanesan asuntu ida ne’ebé suporta iha rejiaun, hamutuk ho Mercy Corps senti onra iha Timor-Leste, atu responde no ajuda komunidade iha tempu sira presiza nomos haree ba sira-nia nesesidade iha prosesu rekoperasaun nia laran.
“Polítika ho sistema sira atu suporta serbisu koperasaun importante tebes maibé iha prosesu ida ne’e atu responde, no responde ida ne’e ita hein ba iha rekoperasaun.” Dehan Country Director, Mercy Corps, Sean Kenney.
Nia sublina liután katak, Country Mercy Corps mós agradese tebes ba estrutura tomak ne’ebé fasilita sira iha prosesu, inklui parseiru sira hodi halo progresu ne’ebé di’ak.
Reportajen : Tomas
Foto : Tomas