Dili, 12 Marsu 2025 (Média Democracia ) – Ministeriu Negosios Kooperesaun no Asian Development Bank realiza treinamentu Capacity Building Program (CBP 2.0) ba liñas Ministeriais Timor-Leste iha sala konferensia Ótel Timor iha tersa semana ne’e
Ministeriu Negosios Kooperasaun liuhusi Vice- Ministra ba Asuntu ASEAN S.E. Milena Rangel hateten, realiza treinamentu kona-ba Capacity Building Program ne’ebé oferese husi Sekretariadu ASEAN
“Ohin ne’e ita halo treinamentu ida kona-ba capacity Building Program ne’ebé fornese husi sekretariadu ASEAN nian husi Jakarta kolaborasaun hamutuk ho ADB ho Timor-Leste, Programa capacity building ida ne’e hola parte iha ita-nia prosesu adezaun no hakarak fó nafatin treinamentu no formasaun ba ita ofisiais sira liu-liu ba iha area ekonomia nian. Agora daudaun sira mai atu halo ba faze segundu, tanba faze primeiru hala’o iha tinan kotuk ne’ebé sira nia partisipasaun husi liñas Ministeriais sira husi ita-nia maluk sira ne’ebé servisu iha area ne’e kleur ona depois kontinua nafatin fó formasaun ba sira hamutuk ho sekretariadu ASEAN nian no ohin ita agradese apoiu ne’ebé ADB fornese ba ita-nia prosesu Adezaun nomos ba sekretariadu” Dehan Vise-Ministra ba Asuntu ASEAN
Vice-Ministra mós haktuir katak estabelesimentu unidade iha sekretariadu no monitoriza implementasaun ba kriteriu ne’ebé estimula iha Roteiu ba Adezaun ASEAN nian.
“Ita mós koalia kona-ba estabelesimentu unidade iha sekretariadu no depois bele monitoriza ita nia implementasaun ba kriteriu sira ne’ebé estimula iha roteiu ba ita-nia adezaun plena ASEAN. Agora daudaun ne’e ita bele haree kuaze husi liñas Ministeriais hotu nomos ajensia lubuk ida iha ne’e, liuliu sira ne’ebé kaer ba asuntu ekonomiku nian, sira mak partisipa iha ne’e husi nivel Diretor Jeral, Diretor Ezekutivu no Diretor Nasional nomos pontos fokal sira ne’ebé nomeadu kada ministeriu hodi partisipa iha ne’e.” Hateten Vise-Ministra ba Asuntu ASEAN
Iha parte seluk mós reprezentante Asian Development Bank (ADB) Stefania Dina hateten, ADB apoiu orsamentu ba Timor-Leste hahu husi 2020 to’o 2026 hamutuk milaun 2$.
“ADB kolaborasaun hamutuk ho governu Timor-Leste liuhusi ministeriu MNEK hodi implementa inisiativu ida ne’e. ADB nia apoiu ba governu Timor-Leste ba iha prosesu Adezaun ba iha ASEAN ne’e hahu kedas iha tinan 2020 no ate agora ADB nia kontinuasaun termus de finanseira hamutuk 2 Milhoes ba inisiativa atu hasae kapasidade Timor-Leste nian bele sai membru ba ASEAN.” Dehan Reprezentante Asian Development Bank (ADB) Stefania Dina
Entertantu treinamentu ne’e realiza husi Ministeriu Negosios Kooperesaun no Asian Development Bank (ADB) hetan mós partisipasaun husi parseiru dezenvolvimentu no liña Ministerias ne’ebé haree liubá asuntu ekonomia.
Reportajen: Nélia
Foto: Domingas