Díli, 3 Marsu 2025 (Média Democracia) – Movimentu Registensia Sosial MRS realiza seminariu nasional hodi selebra loron veteranus ne’ebe sei monu iha 3 de marsu 2025 ho tema “Liuhusi loron veteransu ita transforma esperitu valór liberta pátria ba liberta povu”. Seminariu nasional ne’e hala’o iha sede KEP-MRS, Villa Verde, Díli sexta-feira semana ne’e
Iha entrevista ho koordenador koletivo MRS Munisipiu Baucau Leonizio Mariz hateten, Atividade ne’ebé ohin halao ne’e husi movimento registensia sosial MRS hodi selebra loron 3 de marso hanesan loron veteranus no estabelesimentu eskerda Timor entaun hanesan movimento foinsae foti valor sira ne’e hodi inspira fila-fali joven sira hodi hateke ba oin,tan ne’e ohin realiza seminar ida ne’e atu reflete ba iha situasaun hirak ne’e
“Ohin seminar ne’e partisipa husi sujeitu ne’ebé uluk partisipa iha luta libertasaun ba dedikasaun tomak iha prosesu luta ba iha ukun rasik–an, aleinde ne mós ami foti istoria kona–ba loron 3 de marsu hanesan loron ida ne’ebé atu halo reflesaun ho joven sira no ema hotu bele komemora loron ne’e liuhusi atividade sira ne’ebé fahe hanesan ohin halao seminariu fahe edukasaun atu joven estudante sira bele halo reflesaun ba ema ida–idak nia–an ho ida ne’e mak movimentu MRS hala’o seminar ida ohin ne’ebé partisipa masimu husi joven sira nomos estudante sira, inklui ema ho difesensia, tanba movimentu MRS la taka dalan ba ema hotu atu mai partisipa.” Dehan koordenador koletivo MRS Munisipiu Baucau Leonizio Mariz, iha sede KEP- MRS villa verde
Nia hatutan objetivu prinsipal husi atividade ne’e atu haree ba iha oknum eskerda ninian nomos konvida joven estudante sira atu hala’o reflesaun ba iha kondisaun atual nasaun ne’e no parte seluk atu halo edukasaun politika publika ligasaun ho selebrasaun loron 3 de marsu hanesan loron veteranus nian
“Espetativa husi seminariu ida ohin laos atu halo festa hodi selebra loron 3 de marsu maibé husi seminariu ida ohin priense atividade edukasaun hodi hola parte joven sira atu haree ba kondisaun loron ohin nian, nomos hanesan joven ida nafatin fö hanoin ba joven seluk katak ita nafatin luta ba iha saida mak ita haree seidauk di’ak iha sosiedade nia leet.”Tenik koordenador koletivo MRS munisipiu Baucau Leonizio Mariz
Mensajen prinsipal hakarak hato’o votus parabens ba iha selebrasaun loron veteranus ne’ebé sei monu iha dia 3 de marsu durante ne’e dedika sira-nia-an luta ba independensia nasaun ida ne’e, nafatin husu ba veteranus sira nasaun Timor-Leste nia viajen tanba hanesan joven haree katak husi prosesu dezenvolvimentu seidauk kompleta ka seidauk konstrui independensia hanesan povu nia hakarak, nafatin husu ba veteranus sira atu akompaña nafatin prosesu ne’e tanba desizaun barak liu la tuir saida maka nasaun ne’e rasik iha, nafatin kuidadu nasaun ida ne’e nomos kuidadu povu ida ne’e.Mensajen seluk husu ba lider sira atu ukun nasaun ida ne’e ho fuan atu nune’e povu bele sente demokrasia ba sira nia moris
Reportajen : Domingas
Foto : Domingas