Dili, 19 Marsu 2025 (Média Democracia) – Ministeriu Solidariedade Sosial no Inklusaun Sosial (MSSI) aprova orsamentu milaun hitu ba benefisiariu sira bolsa da Mae nian iha teritoriu nasional ho total 68.669
Ministeriu Solidariedade no Inklusaun sosial (MSSI) liuhusi Diretor Jeral Florêncio Pina Dias hateten sira halo istimasaun dadus hodi aprova orsamentu ba apoiu subsidiu ba benefisiariu sira.
“Tinan ida ne’e ami halo estimasaun dadus atu aprova orsamentu 7.012.716,00 milhoes dolar hodi apoia subsidiu benefisiariu iha teritoriu nasional hamutuk 68.669.” Dehan Diretor Jeral MSSI
Diretor Jeral MSSI Florêncio Pina Dias haktuir katak, programa transferensia kondisional ba asuntu edukasaun labarik nian ho objetivu atu fó apoiu no subsidiu kontinua ba benefisiariu eskola Primaria, Pre-sekundaria no Sekundaria
“Ita hotu hatene tuir lei iha mudansa ba benefisiariu sira, subsidiu ba eskola bazika ho montante dolar ualu (8), Pre-sekundaria dolar sia (9) no eskola Sekundaria dolar sanulu (10).” Dehan Diretor Jeral Florêncio Pina Dias ba jornalista sira iha edifisiu MSSI, Caicoli Dili
Tuir informasaun iha fulan ne’e atualiza hela sistema maibé reverifikasaun ne’e laos de’it iha Munisipiu, tanba reverifikasaun ne’e tenke akontese mós iha suku sira no Autoridade Lokal sira ne’ebé iha responsabilidade atu atende benefisiariu ida-idak.
“Ami sei halo verifikasaun ida ne’ebé sai desizivu mós iha identifikasaun ba benefisiu foun sira, maibé verifikasaun ne’e sei konklui katak ami sei husu ba Ministra Solidariedade Sosial no Inklusaun Sosiál (MSSI) atu konkorda hodi aprova orsamentu ba benifisiarius sira.” Dehan Diretor Jeral
Tuir Diretor jeral ne’e, labarik ho difisiensia iha eskola bazika sei hetan subsidiu sanulu resin-tolu (13) dolar amerikanu, Pre-sekundaria sanulu resin-haat (14) dolar Amerikanu no iha eskola Sekundaria sanulu resin-lima (15) dolar Amerikanu.
Benefisiariu Ensinu Primariu hamutuk 40.293, feto 19.229 no mane 21.064, ho total orsamentu millaun 3.868.128,00 dolar Amerikanu, benefisiariu Pre-sekundariu hamutuk 21.981 ho orsamentu millaun 2.373.948,00 benefisiariu sekundariu hamutuk 6.422 ho orsamentu hamutuk rihun 770,640.00 dolar. Total jeral ba benifisiariu sira hamutuk 7,012,716.00 dolar Amerikanu.
Reportajen : Nélia
Foto : Nélia