Dili, 07 Fevereiru 2025 (Média Democracia) – Ministériu Solidariedade Sosiál no Inkluzaun fó posse ba funsionáriu hamutuk na’in 142 ba kargu Xefia no diretór sira husi nasionál to’o Munisípiu.
Importante husi simu pose ne’e reprezenta sentidu rua hanesan liuhusi siklu legál iha instituisaun no funsionáriu tuir kada kontestu okupante ba iha kargu xefia.
“Koresponde ho direitu legal no responsavilidade sira ne’ebé lei hatur ona prosesu ida mai husi Ministra Solidaridade Sosial Inklusaun nian, tanba haree ba iha ita-boot sira nia kualidade no komisaun funsaun publika hasai despaisu bazia ba ita sira-nia kualidade tomak.” Dehan Prezidente Komisaun Funsaun Públika Letêncio de Deus liuhusi nia diskursu iha ámbitu serimónia tomada pose iha salaun MSSI Caicoli, Sesta ne’e (07/02)
Prezidente ne’e esplika katak iha sentidu daruak ne’e importante katak aseitasaun husi kada pesoál ne’ebé ohin asina iha termu de pose ne’e.
“Agradese mós ba iha ita-nia Ministra bele akompaña ita-boot sira-nia asinatura ida por ida nee atu hatudu katak ita-boot sira aseita duni ba funsaun ofisial estadu nian atu sai servidor ba povu no estadu nomos ba Autoridade tuir lei atu servi no halo kna’ar ba interese estadu nian.” Nia esplika
Nia salienta katak momentu ida ohin ne’e hanesan pasu dezafia ba empozadu sira-nia jornada oinsa atu garantia ba diresaun, unidade ba departamentu operadór ne’ebé sira lidera ba ne’e tenke funsiona ho efetivu, kolaboradu, responsável no dedikadu hodi kontribui ba alkansa objetivu iha Ministériu Solidariedade sosiál no Inkluzaun.
Iha biban ne’e Ministra solidariedade Sosiál no Inkluzaun Verónica das Dores hateten katak, serimónia fó pose ba kargu xefia ne’e realiza tanba polítika Ministériu Solidariedade Sosiál ne’ebé adopta husi nasaun ne’e, laos kada tinan sempre troka kargu xefia hodi haree progresu servisu.
“Ha’u uluk ko’alia tiha ona katak aprende iha laos, sira-nia hakarak kada tinan ema hotu sai kargu xefia para atu hatene oinsá prosesu lansamentu hanesan kargu xefia no halo servisu, ida ne’e mak ha’u aprende husi aprezentasaun Governu, no ha’u mós sente katak ami-nia MSSI tenta atu hadi’a servisu iha laran, la’ós hotu-hotu maibé pelu menus ami troka balun no balun mantein.” Dehan Ministra Verónica ba jornalista sira liuhusi entrevista iha salaun MSSI Caicoli Sexta (07/02)
Nia informa kona-ba kargu xefia ne’ebé ohin simu pose hahú husi koordenadór sira husi Postu-Administrativu sira inklui RAEOA.
“Ohin tomada de pose husi kedas koordenadór ba kada Postu-Administrativu ida ne’e mak ami halo, to’o Postu-Administrativu hira iha Timor-Leste ne’e balun seidauk, tanba ita-boot sira rona, iha 142 pesoas husi nasional to’o Munisípiu maibé iha Postu 10 balun sei mamuk no sira ne’ebé uluk iha ne’e, nomos ami inklui RAEOA ninia koordenadór 4, Postu-Administrativu na’in 4, diretór 1, xefe departamentu na’in 2, no nia xefe seksaun sira, maibé sira ne’e diploma ketak.” Nia informa
Empozadu hirak ne’ebé ohin halo juramentu ne’e ba kargu xefia hotu liuhusi diploma sira no bazeia ba publikasaun husi Jornál da Repúblika.
Entretantu iha serimónia termu pose ne’e partisipa husi Ministra Solidariedade Sosiál no Inkluzaun, Prezidente Komisaun Funsaun Publika, Ministru ba Asuntu Kombatente no Libertasaun Nasionál, Ministra Saúde, Komisaun F Parlamentu Nasionál, Padre, Madre no Bruder inklui Família Empozadu no funsuonáriu husi MSSI rasik.
Reportajen : Estefania
Foto : Estefania