Dili, 22 Janeiru 2026 (Média Democracia) – Ministeriu Solidariedade Sosial no Inkluzaun MSSI realiza seremonia Tomada Posse ba Diretora Ezekutiva Institutu Nasional Seguransa Sosial Inerensia Fundu rezerva Seguransa Sosial INSS-FRES foun nian hodi kompleta ba estrutura servisu. Seremonia tomada posse ne’e hala’o iha Salaun MSSI Caicoli Dili.
Ministra Solidadriedade Sosial no Inkluzaun MSSI Veronica das Dores hateten, seremonia tomada de posse ohin loron nian atu haree Diretores Nasional, Xefe Departamentu no Koordenador sira inklui Munisípal iha Institutu Nasional Seguransa Sosial.
“Ha’u nia mensajen ba sira tenke asegura servisu ho responsabilidade hanesan patriota nasionalista no transaparansia nune’e bele halo servisu ho di’ak iha instituisaun, tanba neste momentu ita mós hasoru problema balun kona-ba ferik ho katus balun seidauk hetan sira-nia diretu, tanba hela iha foho, entaun ita labele ba selu to’o iha sira-nia uma nune’e ohin loron ita sei hadi’a sistema atu oinsá ita bele ba halo pagamentu to’o iha sira-nia uma.” Dehan Ministra Solidadriedade Sosial no Inkluzaun MSSI Veronica das Dores
Ministra Solidadriedade Sosial no Inkluzaun MSSI hatutan, husu ba kargu sefia foun sira tenke hala’o servisu ho responsbilidade iha instituisaun, nune’e bele muda sistema foun balun, tanba durante ne’e servisu iha failansu barak maibé fiar katak ba oin sei hadi’a di’ak liután.
Esplika liután Ministeriu Solidadriedade Sosial no Inkluzaun MSSI realiza seremonia tomada de posse ba Diretores Nasionais hamutuk sanulu-resin-ida (11) Koordenador hamutuk sanulu-resin-tolu (13), Koordenador Xefe Departamentu hamutuk sanulu-resin-sia (19), ho total tomada de posse ohin loron nian hamutuk (43) funsionariu.
Reportajen : Nelfiano
Foto : Nelfiano