Dili, 24 marsu 2025 (Média Democracia) – Ministeriu Solidariedade no Inklusaun Sosial (MSSI), Prepara hela Asistensia ai-han ho valor saku milaun limanulu resin-ida hodi fó apoiu ba grupu vulneravel sira iha teritoriu laran
Ministeriu Solidariedade no Inklusaun Sosial (MSSI), liuhusi nia Diretor Jeral Florêncio Pina hateten, MSSI prepara ai-han antesipadu ba grupu vulneravel sira iha Munisipiu
“Ami prepara ai-han antesipadu ba grupu vulneravel sira no kontinua fahe ai-han ba armajen Munisipiu sira hotu tuir kalkulu ne’ebé husu husi sentru solidariedade Sosial, Tinan ne’e ami prepara saku hamutuk millaun 51 iha arku” hateten Diretor jeral MSSI
Diretor Jeral ne’e mós haktuir katak daudaun ne’e kompañia Perissos iha problema hela atu distribui ai-han ba sentru solidariedade sosial sira
“ALFAESA deteta katak kompañia perissos iha hela problema nia laran susar atu distribui sasan, maibé foin semana hirak liu tiha mak ALFAESA fó sai katak kompañia Perissos sei bele hala’o fali operasaun.” Dehan Diretor Jeral MSSI Florênsio Pina
Diretor Jeral ne’e mós haktuir katak sira apoiu fornesimentu ai-han no sira mós servisu hamutuk ho kompañia Líder hodi prepara ai-han
“Aleinde ne’e, ami apoia fornesimentu ai-han MSSI nian no ami mós servisu hamutuk ho Kompañia Lider hodi prepara ai-han komplementar, hanesan foos, fore-mungu no inklui susu-been” Dehan Diretor Jeral
Tinan 2025 ne’e, MSSI sei sosa saku 51.000, ka tonelada 1.275, ho orsamentu US$918.000,00. Panu ne’e sei distribui ai-han ba Munisipiu Aileu 1.500, Ainaru 1.500, Bobonaro 2.400, Baucau 2.400, Covalima 2.400, Dili 3.900, Ermera 2.400, Manatuto 1,500, Manufahi 1.500, Viqueque 2.400, Oecusse 2.400 no Atauro 600.
Reportajen : Nélia
Foto : Nélia