Dili, 30 Abril 2025 (Média Democracia) – Ministeriu Transporte no Komunikasaun (MTK) realiza seremonia estabelesimentu Diresaun Munisípal Transporte no Komunikasaun ba iha Munisípiu lima hanesan Aileu, Ainaro, Ermera Liquiça no Manatutu, serimonia ne’e hala’o iha selaun MTK Kaikoli Dili, Tersa semana ne’e.
Ministru Transporte no Komunikasaun (MTK) Miguel Manetelo hateten, seriminia ohi loron kompleta programa XI governu nian ne’ebé atu estabelese diresaun servisu Munisípal sira hodi halo preparasaun ba desentralizasaun.
“Ohin ita kompleta Munisípiu lima maka durante ne’e laiha diresaun servisu Munisípal nian kona-ba Transporte no Komunikasaun ne’ebé ohin bazeia ba despaixu husi Funsaun Publika, ita halo nomeasaun ba Diretores na’in lima, nune’e bele hala’o kna’ar iha Munisípiu Aileu, Ainaru, Ermera, Likisa no Manatutu.” Dehan Ministru Transporte no Komunikasaun (MTK) Miguel Manetelo
Ministru hatutan nomeasaun ne’e hanesan iha komisaun servisu sira nia mandatu ohin katak hahu iha 31 Abril to’o dia 31 Dezembru depois haree posibilidade karik iha rekrutamentu bazeia ba meritu ka Funsaun Publika halo extensaun ba sira-nia mandatu fulan neen depois sei hein prosesu sira tuir mai maibé mandatu primeiru ne’e husi 30 Abril to’o 31 Dezembru 2025.
Iha sorin seluk reprezentante Diretor DNTT Munisípiu Ermera Faustino Soares hateten, kontente tebes tanba bele hetan oportunidade ida ne’e hanesan funsionariu Timor-oan ba fiar tomak majestadu husi Ministeriu Transporte no Komunikasaun.
“Ha’u sente kontente tebes tanba Ministru fó fiar, ba futuru ha’u sei jere di’ak liután Diresaun Nasional Transporte no Terrestre iha Munisípiu Ermera tuir rekejitu ne’ebé iha, nune’e sei koopera ho Prezidente Autoridade Munisípiu nian inklui liña Ministeriais sira seluk, nune’e bele tama ba lala’ok servisu hanesan Diresaun foun, tenke pro-ativu hodi koordena ho PNTL, tanba ami kolia liu kona-ba kareta no motor.” Dehan Reprezentante Diretor DNTT Munisípiu Ermera, Faustino Soares
Nia hatutan fiar katak ba futuru sei halo servisu di’ak liután hodi haree kona-ba transporte publiku no privadu nian iha Munisípiu Ermera, nune’e komunidade bele komprende di’ak liután prosesu diresaun DNTT nian.
“Planu servisu nian iha ha’u nia mandu primeru sei haree uluk inspesaun ba kareta no motor sira kona-ba trajetu lisensa karik kontra regras ruma ema sei selu ba kofre estadu. Iha periode primeru ha’u tenke atende uluk planu ida ne’e hotu sei haree kona-ba karta kondusaun nian maibé tenke lao neneik tanba areá ne’e luan, nune’e bele rekupera planu refere.” Nia hateten
Nia salienta komesa husi fulan Abril to’o Dezembru sei halo servisu espesial ba setór rua hanesan lisensa karta kondusaun trajetus lisensa no sei troka envalidade “STKN” bainhira ema hola kareta no motor sei uza naran diler diresaun kompetensia atu troka.
Esplika liután Diresaun Nasional Transporte Terrestre Munisípiu Ermera sei servisu maka’as hodi haree kona-ba kareta no motor balun ne’ebé kontra regras tanba iha ema balun iha kareta no motor la uza sapamatrikula, dalaruma balun uza de’it ida, nune’e DNTT sei koopera ho PNTL hodi halo sosializasaun no avisu nune’e sidadaun hotu bele kumpre regras sira ne’e hotu.
Reportajen : Nelfiano
Foto : Nelfiano
Editor : Jp.Costa