Dili, 15 Jullu 2025 (Média Democracia) – Ministeriu Transporte no Komunikasaun (MTK) lansa aplikasaun formasaun ba sistema jestaun patrimoniu Estadu, atividade ne’e realiza husi Diresaun Jerál Administrasaun no Finansas liuhusi Diresaun Nasionál Administrasaun no Lojistika, hala’o iha salaun MTK, Segunda Semana ne’e.
Diretor Ezekutivu (DE) Venansio Pinto hateten, iha intervensain ne’e liuhusi IX Governu konstitusionál ne’ebé hamosu Teknologia informasaun komunikasaun (TIK Timor.IP), hodi ba sistema jestaun patrimonio Estadu nian husik sistema Manual ba sistema elektroniku ne’ebé “based Teknologia sistema dijital nian.
“Ha’u nia intervensaun ne’e relasiona ho governu elektroniku ne’ebé baibain koñesidu bolu “i-goverment” ne’ebé ezize atu halo jestaun ba sistema governu online hanesan transformasaun husi sistema manual ba elektroniku ne’e ho based transformasaun teknolojia dijital no jestaun administrasaun públika ba ita-nia nasaun ne’ebé sei dezenvolve hela.” Dehan Diretor Ezekutivu TIC Timor.IP, Venansio Pinto
Nia hatutan, Governu elektroniku ne’e mós halo esforsu tomak no komprimisiu ba programa IX Governu konstitusionál nian hodi halo modernizasaun ba administrativa liuhusi adesu ba intranet no interrnet iha bem estadu no Governu nian iha centru dadus TIC TIMOR.Ip ne’e.
“Hanesan hakerek ona iha programa IX Governu konstitusionál ba tinan 5 nian ne’ebé Teknologia informasaun no komunikasaun (TIK Timor.IP) ho governu elektroniku koloka ona hanesan pilar ida no save ida ba ajensia dezenvolvimentu nasionál ba tinan 5 nian.” Hatutan Diretor Ezekutivu TIC Timor.IP, Venansio Pinto
Nia informa, ida ne’e la’ós deklarasaun ida maibé ne’e komprimisiu estratéjia ida hodi tranforma Teknologia dijital ne’e nu’udar instrumentu ida hodi hadia situasaun servisu no hasae efikasia governu nian no promove ekonomia sustentavel no inklusivu iha nasaun Timor-Leste.
Iha fatin hanesan Diretor Gerál Interinu ba Administrasaun Finansas, Pascoal Couto de Jesus haktuir, Ministeriu Transporte no Komunikasaun (MTK) ho Ministeriu Finansas (MF) Diresaun Jerál Patrimonio Estadu no Teknologia Informasaun no Komunikasaun (TIK Timor.IP) hodi lansa sistema resistu patrimonio Estadu nian ne’ebé durante ne’e halo manual, nune’e sei hala’o ho sistema dijitalizasaun ba Teknologia liuhusi liña internet.
“Ohin Ministeriu Transporte Komunikasaun hamutuk ho Ministeriu Finansas, Diresaun Jerál Patrimonio Estadu, ita hamutuk ho TIK Timor hodi lansa formasaun ida ba sistema rejistu patrimonio Estadu nian.” Dehan Diretor Gerál Interinu ba Administrasaun Finansas, Pascoal Couto de Jesus
Nia hatutan, rejistu patrimonio Estadu ne’ebé durante ne’e ita halo manual, ita sei hala’o fali ba dijitalizasaun hodi hatama iha sistema ida atu nune’e ita bele konverte ba sistema JRP ne’ebé Ministeriu Finansas hala’o ho rejistu ba patrimonio Estadu nian ne’e ho di’ak.
Esplika liután atividade ba aplikasaun formasaun ba sistema jestaun patrimoniu estadu nian ne’e realiza husi Diresaun Jerál Administrasaun Finansas, Diresaun Nasionál Administrasaun no Lojistika.
Reportajen : Nelfiano
Foto : Nelfiano