Jogjakarta, 11 Dezembru 2025 (Média Democracia) – Primeru Ministru halo negosiasaun formál segunda ronde kona-bá Fronteira Maritima, iha Jogjakarta, lori satisfasaun ba ekipa negosiadór husi Timor-Leste (TL) ho Repúblika Indonézia (RI) iha solusaun hodi ko’alia ba malu, simu ideia no iha vontade atu avansa ba etapa tuir-mai. Informasaun negosiasaun ne’e Média Democracia asesu husi pajina PM, Kinta semana ne’e.
Primeiru Ministru (PM), Kay Rala Xanana Gusmão observa katak, durante prosesu negosiasaun iha ronda da-ruak ne’e ekipa husi parte rua hatudu vontade bo’ot ne’ebé hakarak tebes atu rezolve duni fronteira marítima rai rua nian.
“Ha’u labele kolia buat barak, tanba formalmente ita foin hahu agora iha Jakarta, ne’e dunia ha’u espera katak negosiasaun tuir mai iha fulan Abril tinan oin sei bele dehan buat ruma. Ha’u labele dehan ha’u kontenti tebes maibé satisfetu tanba ita haree katak ita bele koalia ba malu, bele simu malu no simu ideia ba malu. Ida ne’e mal prinsipiu di’ak ida iha negosiasaun ne’ebé difisil kona-ba fronteira maritima nian.” Dehan Primeru Ministru Kay Rala Xanana Gusmão
Primeru Ministru hatutan, negosiasaun formál primeira ronda hala’o iha fulan-Agusto 2025, iha Dili no segunda ronda hala’o iha Jogjakarta. Ekipa konkorda ona atu kontinua negosiasaun formál tuir-mai iha fulan-Abríl 2026.
“Durante loron rua ho balun ne’e ami halo diskusaun lao di’ak tebes nune’e abertura husi parte Indonézia lidera husi Embaixador Amrih. Ita sente katak iha abertura iha duni kooperasaun no vontade husi Govenu Indonézia atu rejolve ita-nia fronteira marítima.” Hatutan Primeru-Ministru
Primeru Ministru afirma, negosiasaun formál segunda ronda kona-bá Fronteira Marítima iha Jogjakarta hala’o durante loron-tolu (08-10 Setembru 2025) taka ho asina akta husi Xefe delegasaun nasaun rua nian.
Esplika liután iha asinatura akta Timor-Leste asina husi atuál Diretora Ezekutiva Gabinete Fronteira Terestre no Marítima (FTM), Elizabeth Exposto. Indonézia asina husi Diretór Jerál Asuntu Jurídiku no Tratadu Internasionál sira, Ministériu Negósiu Estranjeiru, Embaixadór L. Amrih Jinangkung. Iha serimónia asinatura akta ne’e ekipa husi Timor-Leste entrega tais, kafé Timor ho livru bá Xefe delegegasaun Indonézia nian no foto hamutuk. Seremonia ne’e hala’o iha The Phoenix Hotel, Jogjakarta, Indonézia, kuarta (10/12/2025).
Reportajen : Nelfiano
Foto : Média-GPM