Dili, 09 Marsu 2026 (média Democracia)- Polisia nasional Timor Leste (PNTL) nafatin hala’o prosesu investigasaun ba osan falsu ne’ebé mak sirkula iha Timor Leste.
Portavós Interinu Polisia Nasional Timor Leste (PNTL) Superintendente Asistente Polisia Mouzinho T. Correia hatete Banku sentral Timor Leste (BCTL) mak iha kompetensia atu fó informasaun orijen husi osan falsu ne’e .
“Osan falsu ho koin rua sentavús 200 ne’ebé identifika husi banku sentral Timor Leste hodi entrega ba Diresaun Servisu investigasaun Kriminal (DSIK) polisia nasional Timor Leste (PNTL) halo ezame hodi deskobre katak osan falsu duni, metodu ezame ne’e mais tekniku entaun ha’u hakarak hateten ita halo perfíl ba osan falsu no osan original entaun iha ne’eba iha parametru lubuk ida mak ita atu uza no identifika ida ne’e falsu ka original no elementus balun ne’ebé ita bele haree rasik ho matan liuliu ba nia asentu sira ne’e, nia superfisie sira ne’e mos la hanesan ho osan falsu nune’e ita mai ho older psical profile ne’e no parametru ida para ita hare osan falsu ka la’os ne’ebé ita haree iha dadus no halo komparasaun.” Dehan portavós Interinu Polisia Nasional Timor Leste
Nia mós haktuir tan katak prosesu investigasaun sei la’o hela no seidauk bele atu hatete iha rai laran ka rai liur no osan falsu ne’e la’os ema bain bain mak produs maibe ema balun ne’ebé ho kapasidade no iha rekursu mak halo.
“Prosesu sei la’o hela ita seidauk bele hatete iha rai laran no rai liur ida ne’e bele dehan la’os ema babain mak halo maibe ida ema ho rekursu ne’ebé sufisiente no Prosesu sei la’o hela klaru katak ida ne’e la’os ema baibain mak halo produsaun maibe ema ne’ebé ho kapasidade no ema ne’ebé iha rekursu mak halo ida ne’e, prosesu investigasaun ne’e iha faze lubuk ida PNTL nu’udar orgaun polisia kriminal nia hahu husi prosesu inisial/ pre-eliminar iha PNTL nian husi rekolla informasaun, fatus, evidensia submete ba iha ministeriu publiku depois ministeriu publiku mak na’in ba prosesu hotu-hotu depende ninia tempu hodi delega fila fali mai PNTL no PSIK” dehan polisia superintendente Asistente Polisia Mouzinho T. Correa ba jornalista sira iha sala konferensia Ministériu Interior (MI).
nia haktuir relasiona ho osan falsu ne’e sensitive la halimar nune’e autór na’in hira, sé mak inklina labele relata iha fatin ne’e no bainhira fó sai informasaun hotu bele fó perigu ba iha prosesu investigasaun.
Reportajen : Nélia
Foto : Nelia