Dili, 22 Jullu 2025 (Média Democracia) – Plan Internasional hamutuk ho parseiru, realiza workshop ho “tema ba futuru ne’ebé inkluzivu no seguru loke potensia tomak husi Timoroan sira-nia diversidade hotu.” Atividade ne’e hala’o iha Fundasaun Oriente, Segunda semana ne’e.
Diretora Plan Internasional (PI) Fatima Soares hateten, liga prinsipiu hodi haree ema hotu tenke hetan respeita fó espasu ba liberdade, nafatin iha komprimisu atu hari’i Timor-Leste ida ne’ebé inkluzivu no respeita ema hotu la haree ba indentidade jeneru ho abilidade ne’ebé iha.
“Ita-nia prinsipiu nafatin haree ba ema hotu tenke hetan respeita, nune’e bele fó espasu ba liberdade no oportunidade hanesan, ha’u atu hateten inkluzaun ne’e la’os kritika maibé ida ne’e tenke pratika hela de’it, nune’e bele muda ita-nia hanoin ruma.” Dehan Diretora Plan Internasional Fatima Soares
Diretora Plan Internasional hatutan, haree ba eventu ida ne’e hanesan oportunidade di’ak, tanba liuhusi projetu ne’ebé hetan fundu husi União Europeia, nune’e projetu ba futuru ne’ebé inkluzivu no seguru loke potensial husi Timoroan hotu nia diversidade projetu, entaun projetu refere sei remata iha fulan ida ne’e nia laran.
“Oinsá atu luta direitu ba maluk defisiensia ho maluk LGTIQ+, tanba iha momentu ida-ne’e husi Plan Internasional hakarak atu reafirma komitmentu katak, ami sei kontinua implementa kona-ba projetu ne’ebé União Europeia apoiu ona fundus.” Dehan Diretóra Plan International
Nia informa, kontinua hari’i no haboot pratika sira ne’ebé iha ona nomos hahu husi diskuti kontinua iha komitmentu tinan lima oin mai. Entaun Plan International mós iha planu estratejia tinan lima oin mai sei lansa iha fulan agostu nia laran.
“Atividade ohin atu selebra fila-fali loron aniversariu ba difisiensia, ita hamutuk iha ne’e ho Gropu intersadu ne’ebé diferente ho organizasaun sosiedade sivil nomos joventude sira. Oinsa ita atu loke espasu no promove inkluzaun ne’ebé seguru liu iha rai laran.” Informa Diretora Plan Internasional
Nia afirma, bazeia ba atividade atu bele esplora liután talentu husi Ema ho Defisiensia ho komunidade LGBTQ, durante ne’e sira iha area oi-oin, ida ne’e sai hanesan espasu ne’ebé seguru ba sira-nia atividade loron-loron.
“Ita haree dezafiu ne’ebé ita infrenta iha nasaun ne’e kuaze iha dezafiu barak mak ita haree hanesan diskriminasaun hasoru sira direita no indereita barak tebes, violensia hasoru komunidade LGBTIQ ho Ema ho Defisiensia nafatin la’o iha ita-nia rain rasik.” Haktuir Diretora Plan Internasional (PI) Fatima Soares
Nia informa oinsá atu asegura ba maluk difisiensia sira hetan oportunidade hanesan ema seluk. Entaun liuhusi eventu ida ne’e dezafia ema hotu bele haree no reduz violénsia no diskriminasaun ba ema seluk tanba ema hotu-hotu iha diretu ne’ebé hanesan.
Esplika liután husu ba Ministeriu relevantes oinsá atu hasa’e konsensia publiku nian liu-liu iha uma-kain sira bele komprende labarik sira tenke ba eskola no joven sira tenke finaliza estudu nune’e labele hamosu diskriminasaun. Iha atividade ne’e apoiu finanseiru husi União Europeia no implementasaun atividade ne’e husi Plan Internasional, LGBT+IQ no AHADMTL
Reportajen : Nelfiano
Foto : Nelfiano