Dili, 23 Juñu 2025 (Média Democracia) – Plan Internasional servisu hamutuk ho Asosiasaun Halibur Defisiensia Matan Timor-Leste (AHDMTL) fahe formasaun ba Jornalista Timor-Leste kona-ba Ema ho Defisiensia (EhD) no LGBTIQ+ oinsá halo públikasaun ba EhD ho LGBTIQ+ uza terminolojia ne’ebé loos, Atividade ne’e hala’o iha salaun Alfela sexta semena kotuk.
Koordenador Programa Inkluzaun no Diversidade, Livania Gomes hateten, treinamentu ne’e fahe ba Jornalista Timor-Leste ba dala-tolu ona primeiru hala’o iha tinan kotuk no tinan ida ne’e mós kontinua halo treinamentu ba Jornalista Timor-Leste sira oinsá intende terminolojia ba Ema ho Defisiensia (EhD) no LGBTIQ+ liu-liu iha Munisípiu Ainaro no Ermera.
“Treinamentu ne’e fahe ba Jornalista sira ba dala-3 ona primeiru ami realiza iha tinan kotuk iha tinan ida ne’e hanesan refresing treining ba Jornalista sira liu-liu media iha Dili inklui iha Munisípiu rua Ainaru no Ermera. Nune’e bele kapasita Jornalista sira oinsá atu komprende kona-ba terminolojia nomos asuntu inkluzaun sosial ne’ebé liga ba LGBTIQ+ ho matéria SOGIESC ne’e rasik.” Dehan Koordenador Programa Inkluzaun no Diversidade Livania Gomes
Nia hatutan iha treinamentu ne’e fasilita mós terminolojia Ema ho Defisiensia (EhD) no terminolojia LGBTIQ+, nune’e Jornalista sira bele komprende terminolojia atu utiliza bainhira Jornalista sira halo intervista no hakerek notisia kona-ba EhD no LGBTIQ bele komprende di’ak uza tuir terminilojia ne’ebé loos.
“Ami mós fasilita kona-ba terminolojia EhD no terminolojia ema LGBTIQ+ sira nune’e Jornalista bainhira atu halo intervista ba kolega ne’ebé ho Defisiensia no membru LGBTIQ sira mós hatene oinsá atu bele halo diskusaun nomos dialogu ruma tenke uza terminolojia ne’ebé loos nune’e labele deskrimina ema seluk.” Dehan nia
Nia informa dadus husi Asosiasaun ARCOIRIS Timor-Leste hetan ba membru LGBTIQ+ hamutuk 700 ital ne’ebé resitradu iha tinan 2016 to’o agora, no dadus husi Ema ho Defisiensia (EhD) ne’ebé iha sensus populasaun Timor-Leste nian 38 mill iha tinan 2015 nian no iha tinan 2022 iha dadus foun maibé nafatin ba asesu ba sensus populasaun nian.
Esplika liután dadus membru LGBTIQ+ susar tebes atu hetan maibé tuir asosiasaun balun rekolla ona dadus hanesan ARCOIRIS Timor-Leste hamutuk (700) ital rejistu iha 2016 to’o agora. Aleinde ne’e dadus ba ema ho difisiensia rekolla iha sensus papulasaun 2015 to’o agora ema hamutuk 38 mil ital. Aleinde ne’e Projetu hetan fundus husi Uniaun Europeia (UN), implementasaun husi Plan internasionál ho parseru rua AHDMTL no ARCOIRIS Timor-Leste.
Reportajen : Nelfiano
Foto : Nelfiano