Dili, 02 Jullu 2025 (Média Democracia) – Autoridade Seguransa, Polísia Nasionál Timor-Leste (PNTL), Diresaun Servisu Investigasaun Kriminál (DSIK) ho Servisu Migrasaun Timor-Leste halo operasaun konjunta asegura labarik feto nain-6 iha hotel balun lokaliza iha Dili laran ne’ebé fasilita Pratika Explorasaun seksual ba labarik Minoridade. Konferensia ne’e Média Democracia asesu liuhusi pajina PNTL, Tersa semana ne’e.
Porta-voz Polisia Nasionál Timor-Leste (PNTL) Superintendente Xefe Polisia João Belo dos Reis hateten, bazeia informasaun ne’ebé PNTL simu iha loron 30/06 tuku 09:00 kalan, Autoridade Seguransa forma ekipa ida kompostu husi (DSIK) ho (SMTL), halo operasaun konjunta ba hotel iha área Dili laran fasilita labarik feto nain-6 halo aktividade prostituisaun Infantil pratika explorasaun seksual ba labarik minoridade.
“Ativadade operasaun konjunta ne’e ita asegura labarik nain-6 iha Hotel balun fasilita no halo aktividade prostituisaun infantil pratika explorasaun seksual ba labarik minoridade, transporta kedas mai iha edifisiu Kuartel Jeral PNTL halo indentifikasaun, nune’e komunika ba kedas ho familia sira entrega fila ba uma hodi hein prosesu.” Dehan Porta-voz PNTL, João Belo dos Reis ba jornalista sira iha sala konferensia kuartel Jerál PNTL Caicoli Dili
Porta-voz hatutan bainhira asegura tiha labarik feto nain-6 ne’e, ekipa konjunta mós bolu kedas nain ba Hotel no traballador sira hamutuk ho bainaka sira ne’ebé ba vizita iha Hotel hodi halo indentifikasaun.
“Hotel nain hamutuk ho traballador sira ne’e ita halo hotu ona identifikasaun ba sira, dadaun ne’e ekipa prepara hela relatoriu auto notisia atu aprezenta ba Ministeriu Publiku (MP) kontinua halo prosesu tuir lei ne’ebé vigora iha Timor-Leste.” Haktuir Porta-voz PNTL
Nia afirma, ligadu ho kazu prostituisaun infantil pratika explorasaun seksual ba labarik minoridade ne’e Polísia Nasionál Timor-Leste (PNTL) husu ba públiku inan aman tenke sai edukador di’ak kontrola oan sira halo atividade movimentu oras tama no sai husi uma, Nune’e labele sai vitima ba grupu balun ne’ebé ho intensaun la di’ak halo explorasaun seksual ba labarik feto sira ne’ebé ho idade minoridade.
Esplika liután ligadu ho kazu ne’e hanesan Autoridade Seguransa PNTL husu bai nan-aman tenke kontrola oan sira bainhira halo atividade lao kalan, Nune’e labele sai vitima ba grupu balun ho intensaun halo explorasaun seksual ba labarik feto ho idade minoridade. Aleinde ne’e kazu refere aprezenta ona ba Ministériu Publiku hodi hein prosesu.
Reportajen : Nelfiano
Foto : Media PNTL