Dili, 02 Marsu 2026 (Média Democracia) – PNTL liuhusi Ekipa Itegradu unidade polisia Maritima Intelijen detekta movimentus suspeitu/a husi krime organizadu importasaun ba sasan ilegal ka sasan sira ne’ebé bandu atu tama mai Timor-Leste.
Tuir Porta-voz Superentindente Polisia João Belo dos Reis heteten, iha detektasaun ne’e Ekipa Integradu konsege hapara kareta marka nisan ka mini-bus iha kasnafar mota-ulun, nune’e bele pasa revista ba sasan hirak ne’ebé kareta refere lori.
“Iha detektasaun ne’e, ita-nia Ekipa konsege hetan sasan sira ne’ebé bandu atu tama mai Timor, hanesan sigaru maraboru kaisa 50. Aleinde ne’e mós tuir ita-nia detektasaun, deskonfia sira hatama sasan hirak ne’e husi tasi-mane, no agora dadaun suspeitu ho kareta ne’ebé tula sasan ilegal hirak ne’e iha ona parte Investigasaun Kriminal, hodi submete ba prosesu identifikasaun, nune’e hodi bele hatene lolos nain mak se, tanba ida agora ne’e nu’udar kondutor. PNTL mós sei kontinua halo operasaun ba sasan sira ne’ebé iha ligasaun ho suspeitu refere hatama.” Dehan Porta-voz Superentindente Polisia João Belo dos Reis
Porta-voz hatutan, Servisu intelijensia no servisu integradu seluk sei buka tuir nafatin sigaru ilegal sira ne’ebé importa mai timor Timor leste
“Sigaru sira ne’ebé mak ita hetan tula ho transportasaun hanesan tanba sira la’os primeira vez tama Timor entaun ita sei buka tuir sigaru sira ne’e nia paradeiro, iha ne’ebé, se mak uza, no se mak rai. Ita sei buka tuir. Malboro iha transportasaun legal ne’ebé kompaña na’in ba sigaru ne’e rejista iha ita nia governu hodi hatam sira ne’e ho legalmente maibe iha fali produsaun seluk ne’ebé mak la legal no tenta atu hatama produtu sira ne’e liuhusi dalan ilegal ba iha Timor Leste.” Dehan portavoz
Sigaru sira ne’e governu Timor Leste prega pasaporta, pasaporta atu nune’e no nia rendimentu no selu taxa makas ba governu Timor leste nune’e tenke servisu makas hodi kontra atu nune’e ema hotu-hotu bele kumpri lei hodi selu taxa, no konsidera katak sigaru mak selu taxa makas ba governu Timor Leste.
Repotajem : Nélia
Foto : Estefania