Dili 27 Janeiru 2026 (Média Democracia) – Komandu Polísia Nasional Timor-Leste (PNTL) realiza Konferensia Imprensa relasiona ho insendiu ne’ebé iha Loron Domingo (25/01) Maizumenus oras tuku ne’en (6) dadersan akontesimentu ne’e iha area BTN 1 Tasi-tolu hodi rezulta sidadaun na’in rua mate fatin. Konferensia refere hala’o iha Kuartel Jerál Caicoli Dili Segunda semana ne’e.
Porta-voz Komandu Polisia Nasional Timor-Leste Superintendente Polísia João belo dos Reis hateten iha konferensia ne’e deklara ba publiku asuntu importante rua kona-ba insendiu iha Tasi-tolu nomos konfrontu iha Tibar, daudaun ne’e iha hela prosesu investigasaun nia laran.
“Primeiru informasaun kona-ba insendiu ka ahi-han uma akontese iha parte Tasi-tolu iha loron (Domingo) madrugada ne’ebé rezulta sidadaun na’in rua, feto ida no mane ida mate, tanba kauza husi insendiu ne’e rasik, motivu husi insendiu ne’e sei iha faze investigasaun nia laran hela, nune’e ami seidauk bele publikasaun kona-ba kronologi lolos.” Dehan Porta-voz Superintendente Polísia João Belo dos Reis
Esplika liután katak, kazu refere sei iha prosesu investigasaun nia laran hela, nune’e PNTL seidauk hatene lolos kona kronologi ai-han ne’e oinsa. Karik iha informasaun klaru ona maka PNTL sei halo publikasaun hikas fali.
Reportajen : Nelfiano
Foto : Nelfiano