Dili, 18 Marsu 2025 (Média Democracia) – Psychosocial Recovery and Development in East Timor “Sigla English” (PRADET) durante ne’e nafatin tau matan ba ema ho kondisaun moras Psychosocial iha Dili inklui Munisipiu
Koordenador Programa Asistensia Moras Psychosocial Iha PRADET Nicolao Vicente Ximenes hateten, PRADET nafatin tau matan ba ema moras Psychosocial liuliu iha komunidade, dalan ninin no iha Munisipiu sira.
“PRADET nafatin halo akompañamentu no asistensia ba maluk sira ne’ebé moras Psychosocial liuliu iha parte tolu hanesan iha komunidade, iha dalan ninin no iha Munisipiu sira entaun alvu sira ne’e mak sai hanesan kobre husi programa ejistensia moras Psychosocial iha PRADET ninia.” Dehan kooordenador programa asistensia Moras mental iha edifisiu Pradet.
Nia mós haktuir tan katak progresu ba rezultadu ne’ebé durante iha liuliu iha tinan kotuk 2024 PRADET rejistu ka fó atendimentu ba ema moras Psychosocial iha Munisipiu, dalan ninin no komunidade hamutuk 141 pessoas.
“Iha progresu ba rezultadu balun ne’ebé durante iha liuliu iha tinan kotuk iha 2024 ami konsege rejistu ka fó asistensia atendimentu ba ita-nia maluk sira ne’ebé sofre moras mental iha Munisipiu, iha dalan ninin, no iha komunidade hamutuk 141 ne’ebé kompostu husi mane hitunulu (70) nomos feto hamutuk hitunulu resin ida (71) no husi 171 ne’e ita-nia maluk sira sofre moras Psychosocial hetan hotu tratamentu liuliu husi Munisipiu sira asesu ba iha fasilidade saude, sentru saude ho postu saude no iha Munisipiu Dili asesu ba iha fasilidade mos.” Dehan nia
Nia mós haktuir katak atendimentu dalan ninin iha tinan kotuk PRADET konsegue identifika na’in sanulu resin rua (12) ekipa halo asistensia regular ba halo tratamentu iha sentru formoza
“Iha atendimentu dalan ninin mós hanesan iha tinan kotuk ami konsege identifika na’in sanulu resin rua (12) ne’ebé ejiste iha dalan ninin liuhusi sanulu resin-rua ne’e ami ekipa halo asistensia regular refere hodi halo tratamentu ba iha sentru formoza, entaun husi dalan ninin identifika ona na’in sanulu resin rua (12) nain haat (4) konsege hetan integrasaun tanba asesu tratamentu depois entegra ba sira-nia familia no komunidade nia lee.” Dehan Koordenador Programa Asistensia Moras Mental Iha PRADET
Dadaun ne’e Psychosocial Recovery and Development in East Timor PRADET nafatin tau matan ba ema ho kondisaun moras Psychosocial iha ita-nia rai laran hodi halo tratamentu ba, nune’e bele rekoopera sira-nia kondisaun ho normal maske la di’ak liu maibé ita bele dehan 70% ka 80%.
Reportajen : Nélia
Foto : Nélia