Dili, 11 Jullu 2025 (MédiaDemocracia) – Institutu Nasional kombate HIV-SIDA (INCSIDA) “sigla portuges” realiza sensibilizasaun ba komunidade sira hodi prevene moras HIV-SIDA iha Suku Madohi Postu-Administratvu Dom-Aleixo Munisípiu Dili ho tema “Mai Ita Hamutuk Proteje Timor-Leste Husi Problema Transmisaun Virus HIV.” Atividade ne’e hala’o iha Kinta Feira semana ne’e.
Prezidenti Institutu Nasional Kombate HIV-SIDA(INCSIDA) Daniel Marcal hateten, realiza sensibilizasaun ne’e tanba hahalok risku sira ba transmisaun moras HIV-SIDA sae makas no susar ema atu kontorola iha rai laran liu-liu hahalok sira ne’ebé hanesan seksual livre, ne’e susar ema atu kontrola no laiha koñesimentu tanba moras HIV sas liu iha Dili hamutuk Rihun-ida atus-neen resin(1600) resin.
“Hahalok risku ba transmisaun moras HIV-SIDA sae makas no susar ba ema atu kontrola iha ita nia rai laran liu-liu hahalok sexu livre ne’e susar atu kontrola depois laiha koñesimentu perigosu tebes. Ita haree HIV iha Diili laran (1600) resin ona barak liu ita-nia joven feto ho mane sira ho idade produtivu bainhira sira laiha koñesimentu kle’an kona-ba HIV-SIDA.” Dehan Prezidenti Institutu Nasional Kombate HIV-SIDA(INCSIDA) Daniel Marcal
Nia hatutan buat ida sexu livre iha Dili laran iha fatin sira ne’ebé laiha lokalizasaun sai hela sentru ba ema atu halo negósiu ba sexu livre ne’e barak tebes, tanba ne’e Estadu tenke halo sensibilizasaun, maske Primeiro Ministru ko’alia bebeik ba joven sira atu prevene-aan husi HIV.
Iha sorin seluk Xefi Suku Madohi Bernardino de C. Fereira hateten, apresia tebes ho programa sensibilizasaun kona-ba HIV-SIDA nian ne’e importante tebes ba komunidade sira liu-liu iha Suku Madohi, tanba atu liverta ema nia vida ho saude mak hakarak ka lakohi liuhusi programa ida ne’e.
“Ha’u hanesan Autoridade apresia tebes ba programa sensibilizasaun ida ne’ebé importante ba komunidade sira, tanba liuhusi programa ida ne’e atu liverta vida no saúde, hakarak ka lakohi tenke utiliza programa ne’e. Ita hakarak ko’alia kona-ba kontextu livertasaun maibé programa livertasaun SIDA la lao no revolusaun SIDA laiha, óinsa ita atu liverta ema husi moras HIV-SIDA.” Dehan Xefe Suku Madohi, Bernardino de C. Fereira
Nia informa rekomenda ba parte relavante liu-liu Ministeriu Saude ho esperitu nasionalismu atu halo duni progarama espesialidade kampaña saude, kampaña edukasaun, see hakarak liverta sidadaun sira husi virus oioin presiza halo programa ne’ebé sujeita no objetivu, nune’e bele hadook sidadaun hotu husi virus HIV-SIDA iha rai-laran.
Esplika liután, iha atividade sensibilizasaun kona-ba HIV-SIDA ne’e atu prevene-aan husi virus refere no iha atividades ne’e hetan partisipasaun husi Prezidenti Atutoridade Interino Munisípiu Dili nomos komunidade ho joven jerasaun foun iha sira husi Madohi.
Reportajen : Nelfiano
Foto : Nelfiano