Dili, 24 Fevereiru 2026 (Média Democracia) – Primeira reuniaun konsellu Nasional Organizasaun Prezidénsia ASEAN (ACNOC) ne’ebé lidera husi Primeiru Ministru Kay Rala Xanana Gumão. Primeira reuniaun konsellu nasional refere hala’o segunda feira semana ne’e (23/02/2026).
Tuir Vise-Primeiru Ministru Kalbuady Lay hateten, reuniaun kordenasaun ohin kona-ba asuntu ASEAN nian hamutuk ho Vise-Ministru no Ministra Asuntu ASEAN ho SEKOMS hodi koalia kona-ba Timor-Leste sai uma nain iha tinan 2029.
“Depois de reuniaun kordenasaun ohin dader asuntu ASEAN nian, ha’u hamutuk ho Vise-Primeiru Ministru nomos Vise-Ministra Asuntu ASEAN no SEKOMS sobre preparasaun hahu husi estrutura saida mak Governu tenki prepara iha asuntu sosial, lidera reunian ne’e diretamente husi Primeiru Ministru hanesan Xefe Governu orientasaun klaru, agora daudaun prepara hela iha parte tekniku ninian.” Dehan Vise-Primeiru Ministru Kalbuady Lay
Vise-Ministra ASEAN Milena Maria da Costa Rangel informa, primeiru enkontru ohin koalia kona-ba preparasaun Timor-Leste sai uma nain ba ASEAN 2029 depois de aprovasaun rezolusaun Governu nian iha loron 4 fulan fevereiru tinan ne’e.
“Ohin ne’e hanesan primeiru enkontru ba ita-nia preparasaun sai uma nain ba ASEAN 2029 depois de aprovasaun rezolusaun Governu nian iha loron 4 fulan fevereiru semana liuba. Ida ne’e hanesan komprimisiu nasional ita deside ona depois tama ba membru ASEAN, nune’e agora preparasaun tuir duni ordem alfabetika iha 2029 to’o mai Timor-Leste atu sai uma nain ASEAN, tanba ne’e maka ohin primeiru enkontru deside ho aprova ita-nia planu asaun iha 2026 nian nomos deside setor sira ne’ebé presija hili nia lideransa maximu atu lidera prosesu tuir mai nomos subkomite.” Informa Vise-Ministra ASEAN Milena Maria da Costa Rangel
Vise-Ministra ASEAN hatutan, preparasaun prezidensia Sua Exclensia Primeiru Ministru rasik mak sai hanesan prezidente ba konsellu.
Entertantu Prezidente ACNOC preparasaun ba prezidencia Sua Exclencia Primeiru Ministru rasik mak sai hanesan prezidente ba konsellu ida ne’e nomos Vise-Primeiru Ministru nain rua, tanba ne’e mós ohin determina subkomite nain 14 ne’ebé kobre asuntu sira hanesan protokolu, konteudu prioridade ne’ebé iha kedas porvolta de 14 subkomite no presija halo servisu agora ate fim do ano 2026.
Reportajem : Estajiadu Marito
Foto : Marito