Dili, 30 Maiu 2025 (Média Democracia) – Profil badak husi Anolfo Teves naran koñesidu “Arnie” polítiku no emprezáriu filipinu ida. Nia naran sai famozu iha (Timor-Filipina) tanba ninia envolvimentu iha kazu asesinatu polítika, iha tempu uluk. Informasaun hirak ne’e Média Democracia hetan husi via whatsapp.
Nia mai husi família polítika ida ne’ebé iha influénsia bo’ot iha rejiaun Negros Oriental no maun husi eis-governadór Pryde Henry Teves. Teves mós asume kna’ar nu’udar membru Parlamentu Nasionál Filipina nian ba períodu (2020-2022).
Arnolfo Teves Jr. hetan akuzasaun kriminál oioin iha Filipinas, inklui akuzasaun omisídiu hamutuk 13, tentativa omisídiu 13 no omisídiu frustradu 4, relasiona ho krime sira ne’ebé komete entre tinan 2019 no 2023, inklui halo asasinatu ba Governadór Negros Orientál, Roel Degamo, iha nia uma. Departamentu Justisa Filipina nian depois hatama akuzasaun omisídiu hasoru nia no kaer nia ba kestaun Interpolítiku ida.
Durante hela iha Dili, Timor-Leste, Teves nega nia envolvimentu no rekuza atu fila ba Filipina, hodi fó ezemplu ba ameasa sériu sira ba nia seguransa no ba nia família, tan ne’e nia hatama pedidu azilu maibé rejeitadu.
Nia (Teves) hetan kaer husi autoridade imigrasaun Timor-Leste nia iha loron 28 fulan maiu tinan 2025 tanba hela lahó vistu no hafoin ninia pasaporte hetan kanselamentu husi governu Filipina. Governu Timor-Leste afirma katak prezensa Teves nian perturba estabilidade rejionál no estraga nasaun ne’e nia reputasaun internasionál, liuliu iha preparasaun atu sai adezaun ba ASEAN.
Atu esplika kle’an liután katak sidadaun filipina Arnolf Teves hetan kapturasaun husi polisia imigrasaun iha nia residensia metiaut no halo detensaun durante kalan rua iha loron kinta-feira 29 maiu 2025, tuku 13:50 (OTL) Teves hetan deportasaun ba Filipina iha aviaun Forsa Aérea Filipina nian ho No.Jet 142.
Reportajen : Domingas
Foto : Media Officer PR