Dili, 16 Juñu 2025 (Média Democracia) – Rejional Organizasaun Mundiál Saude selebra Loron Mundiál Doadór Raan, marka tinan-tinan iha loron 14 fulan-Juñu, fó onra ba eroi sira ne’ebé supporta nonok iha ita-nia leet no doadór raan voluntáriu ne’ebé la selu hahalok simples maibé impaktu makas fó raan hodi salva ema barak nia moris. Atividade ne’e selebra iha sabadu semana kotuk, 14/06/2025.
Diretora Rejional Organizasaun Mundiál Saude Sudeste Aziatiku, Saima Wazed hateten, iha loron ne’e mós organiza ba dala uluk iha tinan 2004, husi Organizasaun Mundiál Saúde nian ho parseiru iha Federasaun Internasionál husi Sosiedade Cruz Vermelha no Crescente Vermelha nian, Federasaun Internasionál husi Organizasaun Doadór Raan no Sosiedade Internasionál husi Transfuzaun Raan.
“Ida ne’e maka momentu vital ida atu hasa’e konxiénsia kona-ba nesesidade krítiku no kontínua ba raan seguru no produtu raan nian ba sistema Saúde nasionál ne’ebé reziliente, no selebra iha tinan ida-ne’e ho tema “Fó raan, fó esperansa hamutuk ita salva moris.” Dehan Diretora Rejional Organizasaun Mundiál Saude Sudeste Aziatiku, Saima Wazed
Nia hatutan transfuzaun raan mak fundasaun ida ba kuidadu saúde no resposta emerjénsia ne’ebé efetivu. Husi inan sira ne’ebé hetan komplikasaun durante partu ba labarik sira ne’ebé sofre husi anemia maka’as ba pasiente sira ne’ebé hetan operasaun ka moris ho moras króniku sira iha raan hanesan “thalassemia, hemophilia, and sickle-cell” raan salva moris.
“Ema barak iha nasaun ho rendimentu ki’ik no médiu seidauk iha asesu ba servisu transfuzaun nian ne’ebé seguru no oportunidade atu hetan asesu universál ba raan ne’ebé seguru presiza sistema husi nasionál sira ne’ebé forte no importante liu baze ida husi doadór voluntáriu sira ne’ebé la selu no iha vontade atu fó raan beibeik. Ami-nia rejiaun iha Estadu Membru hotu-hotu dezenvolve ona polítika nasionál sira ba raan nian ne’ebé aliña ho rekomendasaun sira OMS nian kona-ba seguransa raan nian.” Dehan Diretora Rejional Organizasaun Mundiál Saude Sudeste Aziatiku
Nia afirma polítika sira ne’e defende servisu transfuzaun raan nian ne’ebé koordenadu iha nivel nasionál bazeia ba doasaun raan voluntáriu la hó remunerasaun (VNRD) 100% no aderénsia ba padraun raan nian ne’ebé rekoñesidu iha nasionál ka internasionál. Enkuantu nasaun hotu-hotu halo ona progresu, nivel sira implementasaun nian admite katak iha variante iha Rejiaun ida-idak.
“Daudaun ne’e besik 50% husi ita-nia Estadu-membru sira atinji ona kobertura VNRD besik 100%, kontribui maka’as ba fornesimentu raan ne’ebé presiza ba sistema saúde nasionál sira. Iha ami nia rejiaun tomak, maizumenus 82% husi raan hotu-hotu ne’ebé fó mai husi doadór voluntáriu sira ne’ebé la selu, reflete envolvimentu komunidade maka’as no motivasaun doadór nian.” Diretora haktuir
Nia hateten raan hotu-hotu ne’ebé halibur iha sira nia rejiaun hetan triajen ba infesaun sira ne’ebé transmite liuhusi transfuzaun (TTIs) no hetan teste ba parámetru serolójiku nesesáriu sira, tuir polítika nasionál sira no matadalan sira OMS nian.
“Ha’u husu ba governu hotu-hotu, autoridade saúde no parseiru sira atu hafoun sira-nia apoiu ba programa nasionál transfuzaun raan nian liuhusi investimentu infraestrutura, formasaun ba sira ne’ebe servisu iha banku da Sangue no esforsu sensibilizasaun públika nian. Mai ita servisu hamutuk atu kria sistema ne’ebé seguru, inkluzivu no sustentável ne’ebé proteje no fó kbiit ba doadór raan no ema ne’ebé simu raan sira. Nia informa
Nia subliña iha termu separasaun komponente raan nian, liu 45% husi totál raan ne’ebé halibur prosesa ba komponente sira, hodi suporta uzu klíniku ne’ebé efisiente liu no alvu. SEARO apoiu hela kapasitasaun ba produsaun plasma ho kualidade di’ak liu no Produtu Medikamentu husi Plasma iha rejiaun liuhusi Blood Achilles Project ne’ebé revitalizadu, ne’ebé implementa iha kolaborasaun ho OMS, ISBT no parseiru tékniku sira seluk.
Esplika liután iha Loron Mundiál ba Doadór Raan nian 2025, mai ita hanoin katak doasaun raan laos de’it aktu médiku nian ida-ne’e aktu laran-di’ak, kompromisu no esperansa nian nomos bele salva ema nia moris maske doadór no pasiente nunka hasoru malu.
Repotajen : Nelfiano
Foto : Media OMS Sudeste Aziatiku