Dili 29 Outubru 2025 (Média Democracia) – Sekretária Estadu ba Igualdade (SEI), akompaña husi Departamentu Empoderamentu Ekonómia Feto-SEI, realiza seremonia hodi asina adordu hamutuk ho Asosiasaun Feto Potensiál sira husi Munisípiu 13 inklui RAEOA, realiza seremonia Media Democracia asesu husi pajina SEI Kuarta semana ne’e
Sekretária Estadu ba Igualdade-SEI, Elvina Sousa Carvalho hatete objetivu jerál husi Seremonia ne’e asina Akordu entre Sekretária Estadu ba Igualdade (SEI), Asosiasaun Feto Minisípiu 12 inklui RAEOA, kona-ba Fundus Trasnferénsia Públika, ba Grupu Benefisiariu sira ba tinan 2025 nian.
“Ita boot sira hatene, Fundus Transferénsia Públik ne’e, nia intensaun atu bele empodera feto maluk sira iha ekonomia no polítika, iha polítika nian mak iha Diresaun sira seluk halo hela sira-nia servisu, empoderamentu ekonomia feto nian, hasa’e no hakbi’it feto nia partisipasaun no polítika, ne’ebé ita-boot sira mós hola parte hotu iha programa sira ne’e.” Dehan Sekretária Estadu ba Igualdade-SEI, Elvina Sousa Carvalho
Sekretaria Estadu hatutan kolabora ba implementasaun programa iha Munisípiu mak empoderamentu ekonómia feto. Nune’e ohin asina akordu atu implementa programa empoderamentu feto iha ekonómia kompromisiu husi Nonu Governu Konstitusionál, atu hakbi’it feto iha ekonómia nomos iha polítika bele partisipa átivu liutan iha dezenvolvimentu nasionál nian halo mudansa iha nia uma laran nomos bele kontibui ba iha sosiedade ne’ebé inkluzivu hakbi’it sirania aan atu bele kontribui ba ekonómia uma laran nian.
“Ha’u hanoin ida ne’e, sei labele akontese bainhira la servisu hamutuk entre ita-boot sira partisipasaun ativa husi ita-boot sira, nomos kontrolu máximu husi ita boot sira Asosiasaun Munisípiu ho Pontu Fokál sira iha Munisípiu. SEI sei nafatin kontrola importante mak akompaña iha prosesu tomak, tanba husi rejultadu avaliasaun no asesmen ne’ebé iha, ita presiza kontrolu maka’as, akompañamentu ba Grupu sira tenke lao ho di’ak, akompaña iha prosesu sira hala’o sira-nia atividade hotu.” Dehan Sekretaria Estadu ba Igualdade
Sekretaria Estadu husu ba Pontu Fokál SEI nian iha Munisípiu, atu halo kolabora servisu di’ak ho prezidente Asosiasaun Feto sira hotu nune’e bele halo komunikasaun di’ak ho Grupu Benefisiariu hotu hodi nune’e bele ajuda sira hodi jere fundu ne’ebé sira hetan husi SEI ne’e bele la oho di’ak liutan.
Iha fatin hanesan Reprezentante Diretora DNDIJ-SEI, Xefe Departamentu EEF-SEI, Henrique da Silva, iha intervensaun hatete programa ida ne’e atu empodera ekonómia ba feto hanesan siklu ida anualmente apoiu inan feton sira husi Fundu Hadulas, to’o tinan-tinan sei selebra akordu ida ne’e halo transferénsia orsamentu ba iha Asosiasaun sira.
“Ita-nia mata dalan ne’ebé aprova ona iha tinan kotuk, ita-nia implementasaun orsamentu ne’ebé ita apoiu ba Grupu sira ne’ebé pasa iha tinan 2025 nian ne’e orsida sei transferénsia nia orsamentu atraves ba iha konta bankaria Asosiasaun Feto nian, tanba matadalan ne’e hatur ona atu responsabiliza no jere, orsamentu nomos Grupu Benefisiariu sira husi Fundu Hadulas iha Asosiasaun Munisípiu sira-nia liman.” Dehan Xefe Departamentu EEF-SEI, Henrique da Silva
Xefe Departamentu hatutan hanoin ida ne’e hanesan mós iha tinan kotuk, 2024 iha prosesu ida ne’ebé ita halo transferénsia entre Sentru Empoderamentu mai iha Asosiasaun Feto, nune’e iha tinan kotuk iha ona esperénsia halo transferénsia, liu-liu papél importante husi Asosiasaun Feto nian bele halo transferénsia ba iha Grupu sira, liuhusi fasilita asina akordu hanesan tinan kotuk entre Asosiasaun ho Grupu benefisiariu sira.
“Ha’u hanoin ne’e iha artigu 6 koalia iha Matadalan, siklu ida ne’ebé ita lao, hahu husi ita halo publikasaun anunsiu, mai simu proposta, depois ita halo avaliasaun ba verifikasaun no tama ba aprovasaun no ohin ita tenki selebra akordu, atu nune’e ita bele halo ona transferénsia ba Asosiasaun Feto nia konta bankaria atu nune’e bele tulun fali ita-nia inan feton sira.” Dehan Xefe Departamentu
Iha tinan ida ne’e atu informa de’it katak, hetan proposta 180, depois halo tia avaliasaun no prosesu tanba verifikasaun iha prosposta 180, husi verifikasaun halo aprovasaun iha Grupu 64 mak pasa iha tinan ida ne’e
“Ha’u hanoin ida ne’e ajusta kedas ho ita-nia orsamentu tinan ida ne’e, tanba ita-nia orsamentu tinan ida ne’e iha montante ida ne’ebé kiik ituan, nune’e Fundus Transferénsia Públika iha tinan-tinan ita aloka. Laos de’it ba iha grupu feto, maibé nia prosaun boot liu iha Grupu Feto liu-liu ba Fundus Hadulas nomos hakbiit ba ita-nia inan feto sira Grupu ho Situasaun ne’ebé Vulneravel.” Nia haktuir
Nia afirma tanba SEI mós apoiu ba Organizasaun Noun Govermentais, sira ne’ebé haree ba asuntu violénsia bazeia ba jéneru, polítika, ekonómia nomos ba Asosiasaun Feto rasik husi Munisípiu 12 inklui RAEOA, ida ne’e aplika mós orsamentu nune’e Fundus ne’ebé SEI iha ba tinan ida aprova ba iha Gruupu 64, ne’ebé sei selebra asina akordu ho SEI hodi nune’e bele implementa.
“Husi parte ekipa SEI mós hato’o agradese ba iha Prezidente Asosiasaun sira hotu, tanba ita-boot sira-nia servisu mós okupadu tebes maibé ita bele kolabora servisu hamutuk atu bele kontribui ba ohin loron ita bele asina akordu katak, grupu sira ne’e durante ne’e ita servisu hamutuk hodi bele hetan sira-nia proposta, depois iha faze ida ba verifikaaun no daudaun too faze ida ikus nian mak ita asina akordu ita sei selebra akordu iha nivel Munisípál sira ho ita-nia grupu benefisiariu sira iha tinan ida ne’e.” Nia informa
Nia hatete agradese mós ba iha Pontu Fokál SEI nian iha Munisípiu ne’ebé servisu di’ak ho Asosiasaun Feto sira , liu-liu ba iha Grupu Benefisiariu sira ne’ebé supmete sira-nia proposta no ikus mai bele hetan grupu ne’ebé bele sai hanesan benefisiariu ba iha Fundus Transferénsia tinan 2025.
Esplika liután seremónia asina akordu refere partisipa husi Xefe Gabinete SEI, Sekertaris Ejekutivu SEI, Diretora DNGPE-SEI, Xefe Departamentu Partisipasaun Feto iha Polítika-SEI, Pontu Fokál SEI Munisípiu 12 no Funsiunáriu/a Tékniku husi Diresaun DNDIJ-SEI.
Reportajen : Nelfiano
Foto : Média SEI