Dili, 11 Fevereiru 2025 (Média Democracia) – Sekretaria Estadu Igualidade (SEI) hamutuk Sekretariu Estadu Cooperativa, realiza sorumutu ho objetivu atu introdus poltika ka komprimisiu Jéneru ba SECOOP bele implementa politika legislasaun no programa prespetiva jéneru nian.
Tuir Sekretaria Estadu Igualidade SEI Elvina Sousa de Carvalho hateten, ohin S.E.I ho nia ekipa mai hamutuk ho Sekretariu Estadu Cooperativa ligadu ho asuntu kona-ba orsamentu sensivel ba jéneru nomos haree kona-ba politika promosaun igualidade nian.
“Ami deskobre katak SECOOP nu’udar Sekretariu Estadu Cooperativa ida ne’ebé importante no sensivel tebes ba iha implementasaun politika no komprimisiu jéneru sira ne’ebé Estadu Timor-Leste adere, ezemplu hanesan komprimentu deklarasaun ba iha Maubisse nomos komprimisiu ne’ebé durante ne’e Secoop iha atu kumpri “sido concluding observation” ne’ebé iha.” Dehan Sekretaria Estadu Igualidade S.E.I Elvina Sousa de Carvalho
Sekretaria Estadu hatutan durante ne’e S.E.I mós deskobre katak liuhusi enkontru ida ne’e iha membru kooperativa ne’ebé barak tebes liu-liu ba feto sira-nia atividade kooperativu ne’ebé di’ak tebes no hetan susesu
“S.E.I nafatin halo komunikasaun ne’ebé di’ak hamutuk ho liña Ministeriais sira seluk nune’e bele asegura implementasaun sira liuhusi politika nasional sira ba iha promosaun igualidade hanesan mós deklarasaun maubisse ne’ebé durante ne’e SECOOP asina ba komprimisiu refere.” Informa Sekretaria Estadu Igualidade
Nia salienta ohin Sekretariu Estadu SECOOP hateten ona katak iha komprimetidu tebes atu implementa komprimisiu jéneru hanesan mós deklarasaun Maubisse “sedo concluding observation” nomos iha komprimisu atu halo investimentu ba promosaun igualidade inkluzaun iha instituisaun rasik nomos asegura investimentu ba iha promosaun igualidade no inkluzaun.
Esplika liután iha rekomendasaun ba iha Sekretariu Estadu SECOOP nune’e nafatin mantein ho investe ba iha promosaun igualidade inkluzaun nian liu-liu ba iha planu asaun anual nomos bele investe ba promosaun igualidade nune’e bele hamenus dezikualidade liuhusi investimentu orsamentu ne’ebé sensibel ba jéneru. Tanba ohin hateten ona SECOOP komprimitidu tebes atu bele halo investimentu ba promosaun igualidade inkluzaun nian iha Timor-Leste.
Repotajen : Nellfiano
Foto : Nelfiano