Dili 10 Setembru 2025 (Média Democracia) – Governu liuhusi Sekertariu Estadu no Igualidade realiza enkontru hamutuk ho pontu fokál entre liña Ministerial inklui BNCTL implementador Deklarasaun Maubisse ba Faze Datoluk nian, atividade sorumutu hala’o Salaun Maria Goreti SEI, Media Democracia asesu husi pajina SEI, Kuarta semana ne’e
Diretór-Jerál Sekretáriu Estadu Igualidade Armando da Costa hatete enkontru ne’e hamutuk ho Pontu Fokál husi Liña Ministeriais no BNCTL hanesan implementadór ba Kompromisu Deklarasaun Maubisse faze Datoluk nian
“Objetivu sorumutu ne’e atu garante efetividade no sustentabilidade implementasaun Deklarasaun Maubisse faze datoluk nian iha kada Instituisaun implementadór sira no fasilita informasaun estratéjiku sira relasiona implementasaun Deklarasaun Maubisse faze datoluk iha kada Instituisaun implementadór sira liu-liu iha liña Ministériu 17 no BNCTL.” Dehan Diretor Jeral Sekretariu Estadu ba Igualdade, Armando da Costa
Diretor Jeral hatutan iha biban hanesan identifika no rekolla lista Pontu Fokál liña Ministériu sira hodi nune’e hafasil ekipa SEI hanesan Instituisaun ne’ebé lidera implementasaun ba DM-III refere iha koordenasaun, monitorizasaun ba implementasaun programa ne’ebé liña ministériu xave sira no BNCTL implementa hodi haforsa kapasidade ekonomia feto rurál tuir papél no responsabilidade ne’ebé kompromete ona.
“Ha’u husu ba iha Pontu Fokál husi Liña Ministéiru no BNCTL ne’ebé nomeiadu ona husi Instituisaun ida-idak atu komprometidu no asegura atu iha Instituisaun hirak-ne’e bele prevé orsamentu tinan-tinan no programa sira ne’ebé kontribui ba iha kompromisu Deklarasaun Maubisse Faze Datoluk nian nune’e bele alkansa dezenvolvimentu kapasidade feto rurál sira iha futuru.” Hatutan Diretor Jeral Sekretariu Estadu ba Igualdade SEI
Doretor Jeral afirma pontu fokál husi liña Ministériu implementadora no BNCTL, katak Instituisaun ne’ebé sira haknaar an ba SEI komprometidu atu asegura implementasaun ba programa sira ba hakbiit feto rurál sira tuir kompromisu sira ne’ebé sira-nia Instituisaun asina ona iha Deklarasaun Maubisse Faze Datoluk nune’e bele haforsa feto rurál sira atu partisipa ativu iha dezenvolvimentu nasionál.
Esplika liután iha sorumutu ne’e partisipa husi Pontu Fokál Liña Ministériu Implementadór 17 no BNCTL, Diretór Nasionál Polítika Igualdade Jéneru (DNPIG-SEI), Xefe-Departamentu Empoderamentu Ekonómiku Feto-SEI, Xefe-Departamentu Komunikasaun no Média nomos funsionáriu tékniku husi liña Ministériu no SEI nian.
Reportajen : Nelfiano
Foto : Media S.E.I