Dili, 12 Fevereiru 2026 (Média Democracia) – Sala de Aula la sufisiente ba estudante foun atu hala’o prosesu aprendizajen, Reitor Universidade Nasional Timor Lorosa’e (UNTL) sei hamutuk Ministeriu Ensinu Superior Siensia no Kultura (sigla-portugues MESCC) sei responsabiliza ba problema refere.
Tuir Reitor Universidade Nasional Timor Lorosa’e (UNTL) Joviano Antonio da Costa hateten, liga ba (sala de aula) maka sei sai preokupasaun ba estudante sira maibé husi parte reitoria sei halo diskusaun ho Ministeiru Ensinu Superior oinsa bele prepara sala aula ba estudante sira.
“Total estudante sira ne’ebé agora dadaun hamutuk 5.701 ne’ebé hili husi ensinu superior la garante katak 5.701 atu ba UNTL, esperensia hatudu katak kuaze liu 1.000 sei laba tanba ne’e lalika preokupadu liu ida ne’e, enkuantu sira ba iha terrenu la iha ona (sala de aula) atu akomoda sira maka ha’u nu’udar Reitor sei halo diskusaun ho Ministeiru Ensinu Superior hodi buka solusaun.” Dehan Reitor UNTL iha Ministeriu Ensinu Superior Siensia no Kultura (MESCC)
Reitor ne’e hatutan, responsabilidade ba Ministeiru Ensinu Superior nomos estrutura UNTL sei jere didi’ak (sala de aula), liuhusi orariu ka oras prosesu aprendizajen nian, tanba materia ida hanorin iha oras rua nia laran.
“Karik (sala de aula) maka la to’o duni, obrigasaun responsabilidade UNTL no Ministeiru Ensinu Superior atu rezolve ida ne’e iha UNTL. Entretantu ha’u mós hanesan ema foun ida, nune’e iha dadus kompletu kona-ba (sala de aula).” Hatutan Reitor UNTL
Entretantu Universidade UNTL iha Fakuldade 10 hanesan, Fakuldade Agrikultura, Fakuldade Siénsia Ezata, Fakuldade Siénsia Sosiál, Fakuldade Direitu, Fakuldade Ekonomia no Jestaun, Fakuldade Edukasaun Arte no Umanidade, Fakuldade Enjenharia Siénsia no Teknolojia, Fakuldade Filozofia Siénsia Umana, Fakuldade Medisina no Siénsia Saúde, Fakuldade Turizmu Arte Indústria Kreativa no Kultural, no iha Departamentu 45.
Reportajen : Estajiadu Marito
Foto : Marito