Dili, 24 Abril 2025 (Média Democracia) – Sarani sira hatudu soliedaridade liuhusi sunu lilin no hasae orasaun ba Sua Santidade Papa Francisco nia mate iha Tasi-Tolu.
Sarani Edy Fernandes hateten, hanesan sarani hakarak hatudu solidaredade bo’ot ba Sua Santidade Papa Francisco nia mate aumesmu tempu mai iha fatin ida ne’e atu lembar fila-fali Sua Santidade Papa francisco nia vizita mai iha Timor iha iha fulan Setembru tinan 2024.
“Ita hatene fatin ida ne’e fatin istoriku tebes ba ita-nia papa nain rua, ida Papa Paulu Segundo ne’ebé nai bolu ona iha nia kaduna santu nomos ita-nia Sua Santidade Papa francisco mós hanesan mai vizita iha Fulan Setembru tinan 2024. Segunda loraik rona novidades liuhusi media sosial katak Sua Santidade Papa Francisco mós hakotu nia pregrinas iha mundu ida ne’e.” Dehan Edy Fernandes ba jornalista Média Democracia iha Tasi-Tolu Tersa ne’e (22/04/2025).
Edy hateten, iha kalan ida ne’e nu’udar sarani katolika hakarak hatudu solidariedade ida ne’ebé bo’ot tebes ba Sua Santidade Amu Papa Francisco liuhusi orasaun no sunu lilin iha fatin ida ne’e, hodi sarani sira Timor hatudu duni domin bo’ot ba Sua Santidade Papa Francisco.
Nia tenik, Sua Santidade Papa Francisco ita hotu hatene katak, nia sempre husu ba mundu tomak liu-liu atu hadomi malu atu kria paz no dame, atu hakbesik malu no lolo liman ba malu no labele moris iha diskriminasaun nia laran no labele hare’e ida ne’ebe moris riku no ne’ebá moris kiak ida ne’e Sua Santidade Papa lakoi, ita nu’udar sarani ida tenke hadomi malu.
Nia husu, iha tempu badak Amu Papa balu atu subtitu Sua Santidade Papa Francisco nia fatin, husu atu kontinua nafatin lori obra ne’ebé Sua Santidade Papa Francisco rai hela no husik hela nia mensajem katak, tenke hadomi malu no tulun malu.
“Ha’u sei lembra Sua Santidade Papa Francisco nia mensajem ida hela mai ita katak, husu ba ita sarani Timor buka atu hadomi malu para lafaek balun labele mai destroi ita no ita-nia nasaun, entaun ita buka hadomi malu buka atu perdua malu no rona malu tantu husi Governu no parte husi igreja buka unidade no hadomi malu nafatin.” Dehan Edy
Iha Fatin hanesan Silviana Maria Lucia hateten, mai hamutuk iha fatin ida ne’e hanesan sarani katolik novidades triste katak, Sua Santidade Papa Francisco husik hela mundu ida ne’e, tanba ne’e ohin mai fatin ida ne’e atu hasa’e orasaun no sunu lilin.
Nai subliña, hanesan sarani katólika sente triste tanba lakon lider katólika Sua Santidade papa Francisco.
“Ami familia mai hamutuk iha ne’e hodi sunu lilin no hasai orasaun ba sua Santidade Papa Francisco ne’ebé husik hela ita iha mundu ne’e.” Dehan Silvina Maria Lucia
Silvina dehan, Sua Santidade Papa Francisco nia vizita loron 3 iha Timor-Leste ne’e nia sente kontente tebes hodi simu Sua Santidade Papa Francisco, maske lao ho distansia dok maibé sente kontente bainhira hetan vizita husi Sua Santidade Papa Francisco.
Reportajen : Estefania
Foto : Estefania
Editor : Jp.Costa