Dili 08 de Abril 2026, Media Democracia- Sekretariu Estadu Asuntu Toponímia no Organizasaun Urbana (SEATOU) servisu hamutuk Ministeriu Obras Publiku MOP halo Enkontru Ho komunidade sira iha Suku Manleuana ne’ebe Afetadu ba Alragamentu Estrada husi Manleuana to Rate Ain
Tuir Komunidade Afetadu Evangelino Soares Amral, husu MOP no SEATOU Atu hare Didiak fila fali Dezeñu ba Alargamentu estrada Maleu ba to Rate Ain, tau liu husi Eskola Canossa nia kotuk tamba rai Mamuk hela la kona komunidade barak uma.
” Hau Aseita Dalan ne’ebe uluk Sekretariu Estrada rasik señor Ministru Rasik ita hotu tur iha ne’e enkontru ho povu Maleuana katak, dalan ne’e, Dalan ne halai tuir Moru Canossa mai to mai Rate Ain, ita boot sira hare mapa ne’e didiak se halai tuir moru Canossa Dalan Rai ne’e Mamuk”.Dehan Afetadu Evangelino Soares iha Sede Suku Manleuana.
Parte seluk Cristiana Da Costa hanesan mos Komunidade ne’ebe Afetadu ba Alargamentu ba Estrada Maleu ba Rate Ain hateten Prontu Atu kopera ba maibe husu MOP no SEATOU atu fo netik tempu nia hodi buka fatin Hela, Antes Sobu.
“Kulia kona-ba Dezemvolvimentu hanesan Sidadaun ami prontu kopera, Sua Exilencia hau uza tempu ne’ebe naruk hodi halo uma ida ne’e, oinsa fó netik tempu mai, ami halo prosesu naruk maibe Tinta Mean ba tau x trator ba hamrik la to oras uma bele monu, Sua Exilensia iha ne’e hanoin ba ami nia direitu oinsa”. Dehan Cristiana da Costa
Hatan ba questaun hirak ne’e Sekretariu Estadu Asunto Tomponomia oraganizasaun Urbana (SEATOU) Germano Santa Brites hatete, Alargamentu ba Estrada husi Rotunda Elemloi to rate ain enkotru tiha ona iha 2025, Dezeñu ne’ebe Aprva sae mai ne Fiksu, SEATOU impleta de’it Servisu.
” Relasiona ho alargamentu Estrada, iha 2025 ita enkontru ona iha ne’e katak, katak alargamentu estrada husi bundarang Elemloi to Rate ain, Dezeñu ida ne’ebe aprova Sae mai ne’e fiksu husi leten tun mai, SEATOU ne’e implementa dei’it servisu, Dezeñu ne’ebe fiksu ona hau husu Kopera, hahu ohin to dia 15 de jullu ida idak hare nia kalen besi arus odamatan matan bele sobu dadauk ona.Dehan SEATOU
Nia Sublina liutan katak dadus ida orsida ka aban sira foti lori ba prosesu ona fulan ida ka rua tama tuir tempu ne’ebe ita fó ne’e, ita mai halo servisu.
Reportajen : Tomas dos Santos / Marito Estajiadu
Foto : Marito Soares Estajiadu