Dili, 08 Maiu 2025 (Média Democracia) – Governu liuhusi Sekretariu Estadu Asuntu Toponímia Organizasaun no Urbana (SEATOU) daudaun ne’e kontinua halo servisu hodi limpeza iha mota-laran ba baraka no uma komunidade nian Aldeia Moris-foun ne’ebé akontese inundasaun iha fulan rua liubá kotuk. Atividade limpeza ne’e hala’o iha Kuarta semana ne’e.
Sekretariu Estadu Asuntu Toponímia Organizasaun no Urbana (SEATOU) Germano Santa Brites Dias hateten, daudaun ne’e kontinua limpeza iha moto-laran ba uma komunidade nian ne’ebé akontese inundasaun iha fulan liubá kotuk, nune’e alerta ba komunidade sira labele hela tan iha areá risku nia laran.
“Ohin ami ekipa konjunta nafatin limpeza ba uma sira ne’ebé akontese inundasaun iha fulan rua ba kotuk, nune’e bele evita maluk komunidade sira labele mai hela fila-fali. Tanba ne’e ohin ami hamutuk MOP apoiu hela makina hodi halo limpeza durante semana ida nia laran tenke moos, nune’e governu bele dezenvolve fali buat seluk iha fatin ida ne’e.” Dehan Sekretariu Estadu Asuntu Toponímia Organizasaun no Urbana (SEATOU) Germano Santa Brites Dias
Sekretariu Estadu hatutan durante ne’e ekipa konjunta halo servisu iha kapital Dili haree katak menus oan risku dezastre naturais ba populasaun sira iha sidade Dili atu nune’e husu komunidade sira seluk ne’ebé hela areá risku atu koopera ho estadu hodi miniza dezastre oioin ne’ebé akontese.
“Tanba iha komunidade balun ne’ebé tula fila husi karentina balun bosok kondutor sira mai hatun hela estrada boot iha Aldeia Moris-foun realidade komunidade sira balun mak kontinua mai hela fila-fali sira-nia uma ne’ebé foin dadauk akontese inundasaun ne’ebé ohin ita mai iha ne’e kontinua hasai komunidade sira ba buka fatin seluk bele ba hela, governu sei la apoiu tan transporte atu lori sira ba iha ida-idak nia hela fatin.” Hatutan Sekretariu Estadu Asuntu Toponímia Organizasaun no Urbana (SEATOU) Germano Santa Brites Dias
Nia afirma nafatin husu ba komunidade sira ne’ebé sai husi karentina tasi-tolu labele koko atu mai hela fila-fali iha uma ne’ebé foin daudauk akontese inundasaun, tanba iha area risku nia laran bele fó impaktu ba imi nia moris.
Esplika liután ohin Sekretariu Estadu Asuntu Toponímia Organizasaun no Urbana hamutuk Ministeriu Obras Publika apoiu maximu husi PNTL no FFDTL nafatin halo sevisu limpeza jeral baraka no uma komunidade nian iha Aldeia Moris-foun, nune’e bele evita komunidade sira labele mai hela fila-fali, tanba ida ne’e iha areá risku nia laran.
Reportajen : Nelfiano
Foto : Nelfiano
Editor : Jp.Costa