Dili 28 Janeiru 2026 (Media Democracia) – Sekretariu Estadu Cooperativas (SECoop) hala’o Abertura Formasaun ba Funsionariu SECoop nian ne’ebé fasilita liuhusi Institutu Bali Busines School Internasional (BBS), atividade formasaun hala’o iha Salaun Correios Dili
Sekretariu Estadu Cooperativas (SECoop), Arsénio Pereira da Silva hatete SECOOP fasilita formasaun liuhusi funsionariu sira Institutu Bali Busines nune’e bele halo diagnostiku ida ba funsionariu sira bazeia ba programa planu asaun anual nian.
“SECoop fasilita formasaun ba funsionariu sira depois halo diagnostiku ida bazeia ba programa planu asaun anual sira. Atividade ne’ebé iha oinsá atu kapasita ba funsionariu sira nune’e mós ba movinentu kooperativu sira atu iha koñesimentu kle’an ba servisu sira liu-liu kona-ba digitalizasaun iha administrasaun tanba ita labele uza bebeik manual. Oinsá sira bele fasilita maibé tenke halo diagnosa iha nesesidade saida mak presija karik tinan ida ne’e iha ona ba tinan oin bele tau iha planu asaun anual.” Dehan Sekretariu Estadu Cooperativas (SECoop), Arsénio Pereira da Silva
Sekretariu Estadu hatutan formasaun sira ne’e tenke tau iha tarjetu objetivu lolos depois saida mak bele halo hodi kontribui ba apresiasaun servisu sira iha administrasaun nomos iha movimentu kooperativa sira nune’e bele halo produsaun bele hetan rendimentu husi sira-nia aktividade ekonomia nian.
“Ha’u hanoin atividade ne’e importante tebes bele hetan koñesimentu kle’an tanba SECoop mós iha funsionariu permanente ituan los nomos sira kazuais no azente mak barak liu entaun sira presiza tebes atu hametein liután koiñesimentu no kapasidade nune’e bele aplika ba servisu administrasaun nian tanba laos formasaun foin halo diagnostika ba SECoop nian prepara ba futuru hodi tau iha planu asaun anual nian iha 2027.” Dehan Sekretariu Estadu Cooperativas (SECoop),
Sekretariu Estadu afirma ohin sira dehan katak iha pontus importante balun maibé orsida sei hatudu sira-nia profile organizasaun nian karik sira prontu fasilita tanba parte SECoop hakarak atu kapasita di’ak liu nune’e tenke tuir duni tarjetu hodi fó formasaun depois bele implementa
Esplika liután ohin Sekretariu Estadu Cooperativas (SECoop) hamutuk ho Institutu Bali Busines School Internasional (BBSI), realiza sorumutu hodi halo abertura ba formasaun kona-ba dezitalizasaun ne’ebé sei fahe da funsionariu sira iha SECoop.
Estajiadu : Marito
Foto : Marito