Díli, 28 Janeiru 2025 (Media Democracia) – Sekretariu Estadu Kooperativas halo koferensia Imprensa kona-ba Subvensaun Publika iha Ámbitu Sekretariu Estadu Kooperativas ba 2025, no Politika Nasionál IX Governu Konstitusional hakiuir katak Diversifikasaun ekonómika no kriasaun empregu mak sai prioridade ba Governu, nune’e hanesan kapital sosial, Dezenvolvimentu Infraestrutura no Dezenvolvimentu ekonomiku bazeia ba kuadru institusional ne’ebé efikas no transparente tuir prinsipiu no valores ne’ebé ita Opta. Konferensia ne’e realiza iha sala SECOP akait Díli segunda ne’e.
Tuir porta-voz Marta de Araújo haktuir, baze fundamentu ne’ebé sita liubá Sekreiáriu Estadu Kooperativa re-inventa politika nasionál IX Govenu Konstitusionál hodi aborda nia planu estratéjiku SECOOP ba tinan 2023 até 2028 ho vizaun ida katak harii sosiedade ida justu, prósperu no sustentavál.
“Iha planu asaun anual no planu orsamentu SECOOP tinan 2025 ne’ebé aprova ona iha Parlamentu Nasionól define estratéjia ba pola dezenvolvimentu kooperativa iha área rurál ho objetivu atu hadi’ak ekonomia familia nu’udar ai- riin ba dezenvolvimentu ekonomio nasional, baze ba programa nasional governu, Planu estratéjiku SECOOP no planu asaun anual ne’ebé estipula iha leten, nu’udar razaun fundamentu ba Sekretaria Estadu Kooperativa atu kontinua manifesta komprimisiu politiku IX Govenu Konstitusional.” Dehan Porta-Voz Marta de Araújo iha SECOOP Akait Díli.
Nia afirma liutan katak, Konforme Dekretu-Lei N.o 79/2023, 11 fulan-outubru haktuir katak Sekretariu Estadu Kooperativa hetan atribuisaun atu fortalese no inisiativa movimentu grupu, kooperativismu, asosiativismu, no mutualismu sira hodi garantia partisipasaun komunitaria hodi hasa’e kresimentu ekonómia famnilia.
“Konsidera Dekretu-Lei N.o 39/2024, 27 fulan Novembru, kona-ba regulamentu subsídiu, subvensaun no doasaun Públika, ne’ebé hateten ezekusaun orsamentu subvensaun Públika tenke iha transparénsia no publisidade Sekretariu Estadu Kooperativa anunsia ba publika iha media sosial partikularmente iha Page Facebook SEKOOP hodi hatu’ur kritériu legal ba tinan 2025 subvensaun públika maibé infelizmente aplikasaun anunsia/publisidade refere la asesivel, ho nune’e, dala ida tan liuhusi konferensia imprensa, hakarak solusita ba entidade ekonomia sosial, Grupu asosiativismu, fundasaun, kooperativismu, karik interessante bele submete proposta mai gabinete Sekreiaria Estadu Kooperaiva iha edifisiu Akaii Dill.” Nia afirma
Nia Salienta liután katak interesadu sira mós bele haree kritériu aplikasaun proposta subvensaun publika iha pájina ofisial SECOOP ne’ebé publika ona iha dia 09 fulan-Janeiru tinan 2025.
Reportajen : Tomas
Foto : Tomas