Dili, 30 Janeiru 2026 (Média Democracia) – Sekretariu Estadu Kooperativa liuhusi Diresaun Nasional Delegasaun Munisipal identifika Munisípiu Aileu, Manatuto, Ermera, Likisa no Bobonaro iha pontensia di’ak hodi prodúz bani-ben.
Tuir Diretór Nasional Delegasaun Munisipal Rui Soares hateten, iha Munisípiu Aileu, Manatuto, Ermera, Likisa no Bobonaro iha pontensia boot hodi produs bani-ben ho kualidade di’ak.
“Ami identifika ona Munisípiu lima (5) mak sei prodús bani-ben ne’e, no agora dadauk ita la’o ho etapa ida ona ho sensibilizasaun, no tama iha faze formasaun bázika, aleinde ne’e ita halo ona parseiru ho Balihoney, no sira mós halo ona peskiza iha munisipiu sira.” Dehan Diretór Delegasaun Munisipal Rui Soares
Diretór ne’e subliña katak, daudaun ne’e ita iha munisípiu Manatutu iha grupu rua (2) Munisípiu Likisa grupu boot ida iha Ulmera, iha Maliana Atabae ne’e mós iha grupu ki’ik maibé ita seidauk hatene loos.
Esplika liután katak, inisiativa husi SECoop nian ne’e di’ak tebes ba komunidade sira iha Timor-Leste, tanba liuhusi programa refere bele suporta komunidade sira nia ekonomia familia, aleinde ne’e mós bele lori produsaun bani-ben Timor-Leste nian ba mundu tomak.
Reportajen : Estajiadu Marito
Foto: Marito