Dili, 08 Agostu (Média Democracia) – Sekretariu Estadu Formasaun Profisional no Empregu (SEFOPE) liuhusi Diresaun Nasionál Empregu no Externa (DNEE), desloka tan traballador Timoroan 103 ba servisu iha Austrália, atividade serimonia ne’e hala’o iha Palm Springs Hotel Hilton Kinta Semana ne’e.
Sekretáriu Estadu Formasaun Profisional no Empregu (SEFOPE), Rogerio Mendonca hateten, ohin oportunidade ida ba Sekretáriu Estadu Formasaun Profisional no Empregu (SEFOPE) no Ministra Australia Dezenvolvimentu Internasionál hodi husu no hola parte iha serimonia despedida ba traballador ne’ebé atu ba servisu iha Austrália hamutuk 103.
“Seremonia ida ohin hanesan oportunidade ida ne’ebé di’ak tebes mai iha Sekretáriu Estadu Formasaun Profisional no Empregu Ministra Negósiu Planu Dezenvolvimentu Internasionál ho Multikultura mak husu direita mai iha Sekretáriu Estadu Formasaun Profisional Empregu hodi mai hola parte iha serimonia despedida ba traballadores sira ne’ebé atu ba servisu iha Austrália ho 103 pesoas, konversa husi sorumutu ne’ebé parte SEFOPE ho Ministra, kontenti tebes katak Programa Mobilidade Laboral ita hanaran Palm Scam hodi fó benefisiu boot tebes ba Governu Austrália.” Tenik Sekretáriu Estadu Formasaun Profisional no Empregu (SEFOPE), Rogerio Mendonca,
Sekretariu Estadu hatutan, aleinde husi despedida ba traballador sira ne’e maioria traballador foun no sira husi re-interna ho númeru 17 ital hodi halo viajem ba Austrália ne’ebé prepara husi governu Timor-Leste liuhusi Sekretáriu Estadu Formasaun Profisional no Empregu (SEFOPE).
Iha fatin hanesan representante traballadora, Simoa Gabriela Belo hateten, senti kontente tebes tanba bele hetan oportunidade fila-fali hodi halo servisu iha Austrália ne’ebé iha área Hortikultura nian hodi bele hetan osan suporta familia.
“Ha’u senti kontenti tanba hetan fila-fali oportunidade bele ba fila-fali servisu iha Austrália, iha área Hortikultura iha ita-nia rai la hetan esperiénsia hanesan iha Timor ita bele ba ita-nia toos maibé iha fali Austrália dala ruma iha diferensia.” Dehan Reprezentante Trabalhadora, Simoa Gabriela Belo
Nia hatutan, durante halo servisu iha Austrália dezafiu ne’ebé hasoru iha servisu fatin ne’e komunika ba kompaña nia na’in hodi bele ajuda no iha dezafiu mós ba língua hodi halo komunikasaun iha terrenu maibé nafatin fiar-aan no respeitu, nune’e kompañia bele tau fiar nafatin.
Esplika liután iha serimonia despedida ida ne’e partisipasaun husi Ministra Australia Dezenvolvimentu Internasionál ho Multikultura no kargu Xefia husi Sekretáriu Estadu Formasaun Profisional no Empregu (SEFOPE) nian.
Reportajen : Nelfiano
Foto : Nelfiano