Dili, 21 Outubru 2025 (Média Democracia) – Sekretariadu Estadu Formasaun Profisional no Emprego SEFOPE, liuhusi Diresaun Nasionál Empregu Estranjéiru (DNEE) hodi fó sai prosesu rekrutamentu Sistema (RSE) ba joven sira ne’ebé atu ba servisu iha Nova Zelándia. Atividades anunsiu prosesu rekrutamentu hala’o iha segunda feira semana ne’e.
Iha intervista ho Diretor Jerál SEFOPE Carlito do Rosário Cabral hateten, ohin loron ita atu anunsia sai prosesu rekrutamentu ba programa mobilidade laborál nomos publika lista ba kandidatu sira ne’ebé elizivél ba faze intervista (teste lian inglés).
“Kandidatura ne’ebé rejistu iha vaga online durante loron lima, hahu husi loron 8 to’o loron 12 fulan setembru tinan 2025 hamutuk rihun-ruanulu, atus-ualu, limanulu resin-sia (20,859), no SEFOPE halo verifikasaun dokumentu ba teste vaga online Nova Zelándia, kandidatura sira ne’ebé priense rekejitus tuir kriteria husi SEFOPE hamutuk rihun-rua, atus-ida, ualunu resi-neen (2,186) maka pasa/selesionadu.” Dehan Diretor Jerál SEFOPE Carlito do Rosário Cabral
Diretor ne’e hatutan, Dadus ne’ebé prepara ona iha SEFOPE bazea ba kandidatura sira selesionadu vaga online Nova Zenálandia kada Munisipiu. Munisipiu Aileu Atus-ida tolunulu reisin-lima (135), Mane ualunulu resin-neen (86), Feto Hatnulu resin-sia (49). Munisipiu Ainaru atus-ida neennulu resin-lima (165), Mane atus-ida ualu (108), Feto limanulu resin-hitu (57). Atauru ualu (8) no ualu ne’e mane hotu. Munisipiu Baucau atus-rua limanulu resin-hitu (257), Mane atus-ida hitunulu (170), Feto ualunulu resin-hitu (87). Munisipiu Bobonaru atus-ida sianulu resin-sia (199), Mane atus-ida limanulu resin-neen (156), Feto hatnulu resin-tolu (43). Munisipiu Covalima atus-ida ruanulu resin-ualu (128), Mane sianulu resin-lima (95), Feto tolunulu resin-tolu (33). Munisipiu Dili atus-tolu ruanulu resin-hitu (327), Mane atus-rua sanulu resin-ida (211), Feto atus-ida sanulu resin-neen (116). Munisipiu Ermera atus-ida limanulu resin-ida (151), Mane atus-ida sanulu resin-lima (115), Feto tolunulu resin-neen (36). Munisipiu Lautem atus-rua sanulu resin-ida (211), Mane atus-ida hatnulu resin-hitu (147), Feto Neennulu resin-hat (64). Munisipiu Likisa limanulu resin-neen (56), Mane hatnulu resin-hat (44), Feto sanulu resin-rua (12). Munisipiu Manatutu atus-ida (100), Mane hitunulu resin-sia (79), Feto ruanulu resin-ida (21). Munisipiu Manufahi hitunulu resin-hat (74), Mane hatnulu resin-hitu (47), Feto ruanulu resin-hitu (27). Raeoa Oecusse tolunulu resin-tolu (33), Mane tolunulu (30), Feto tolu (3). Munisipiu Viqueque atus-tolu ruanulu resin-sia (329), Mane atus-rua tolunulu resin-lima (235), Feto sianulu resin-hat (94).
Entretantu ba kadidatura sira ne’ebé la pasa hamutuk rihun sanulu-resin-ualu, atus-neen, ualunu resin-ualu (18,688) ne’e tanba la tuir kriteria husi SEFOPE ka dokumentus sira la kompletu, no ba kadidatura sira ne’ebé selesionadu ona sei tuir fase entervista, nune’e SEFOPE bele hatene kandidatura sira nia koñesimentu iha lingua ingles ne’e to’o iha ne’ebé, nune’e SEFOPE kria lista badak ida hodi halo preparasaun.
Reportajen : Nelfiano
Foto : Tomas